پاکستان کرکٹ ٹیم کے کپتان بابراعظم اورفاسٹ بولرشاہین شاہ آفریدی پریکٹس کے دوران آمنے سامنے آگئے۔

لاہور قلندرز کی جانب سے شیئر کی گئی ویڈیو میں دیکھا جاسکتا ہے کہ انجری سے نجات پانے والے نوجوان فاسٹ بولر شاہین آفریدی نے لاہورمیں پی ایس ایل کے 8ویں سیزن کی تیاری کا آغاز کردیا، انہوں نے نیشنل ہائی پرفارمنس سینٹر میں بولنگ کی مشقیں کیں۔

لاہور قلندرزکی قیادت کرنے والے شاہین شاہ آفریدی نے ردھم میں آتے ہوئے پشاورزلمی کے کپتان بابراعظم کے خلاف نیٹس میں برق رفتارگیندیں کرائیں، جس کی ویڈیو سوشل میڈیا پر تیزی سے وائرل ہورہی ہے۔

واضح رہے کہ پی ایس ایل کے آٹھویں ایڈیشن کا آغاز13فروری سے ملتان میں ہوگا، لاہور قلندرز اور پشاور زلمی کی ٹیمیں پہلی مرتبہ 26فروری اوردوسری مرتبہ 7مارچ کو مدمقابل آئیں گی۔