Aaj News

آئی ایم ایف نے روپے کی قدر میں کمی مصنوعی طریقے سے نہ روکنے کا مطالبہ کردیا

آئی ایم ایف کے ساتھ ورچوئل مذاکرات میں پاکستانی وفد کی یقین دہانیاں
شائع 24 جنوری 2023 10:50pm
<p>تصویر بزریعہ بلومبرگ/گیٹی امیجز</p>

تصویر بزریعہ بلومبرگ/گیٹی امیجز

بین الاقوامی مالیاتی فنڈ (آئی ایم ایف) نے پاکستانی روپے کی قدر میں کمی کو مصنوعی طریقے سے نہ روکنے کا مطالبہ کردیا، پاکستان نے بھی آئی ایم ایف کو یقین دہانی کرائی ہے کہ ملک میں جلد ہی گیس مہنگی کردیں گے، پیٹرول لیوی بھی بڑھا رہے ہیں۔

وزارت خزانہ کے ذرائع کے مطابق پاکستان اورآئی ایم ایف کے درمیان ورچوئل مذاکرات ہوئے۔

آئی ایم ایف کی طرف سے مشن چیف ناتھن پورٹر مذاکرات میں شریک ہوئے جبکہ پاکستان کی جانب سے سیکرٹری خزانہ حامد یعقوب شیخ کی سربراہی میں وفد نے مذاکرات کئے۔

وزارت خزانہ ذرائع نے بتایا کہ پاکستانی وفد نے معاشی صورتحال کے بارے میں بریفنگ دی۔

پاکستان نے آئی ایم ایف کو رواں سال کے لیے مقررہ کردہ ٹیکس وصولیوں کا ہدف مکمل کرنے کی یقین دہانی کرائی ہے۔

پاکستانی وفد نے آئی ایم ایف کو سیلاب سے متعلقہ منصوبوں پر کئے جانے والے اخراجات اور گیس کی قیمتوں میں جلد اضافے کے فیصلے سے آگاہ کیا۔

وفد نے بتایا کہ گیس کی قیمتوں میں اضافہ یکم جولائی 2022 سے ہوگا، گیس کی قیمتوں میں اضافے کی منظوری جلد ہی کابینہ سے لی جائے گی۔

پاکستانی قفد نے آئی ایم ایف کو کہا کہ گیس کے شعبے کا گردشی قرض بھی ختم کر رہے ہیں، پیٹرولیم مصنوعات پر لیوی بھی مرحلہ وار بڑھائی جا رہی ہے۔

پاکستانی وفد نے آئی ایم ایف سے پروگرام بحال کرنے پر اصرار کیا ہے۔

آئی ایم ایف نے مطالبہ کیا کہ پاکستان روپے کی قدر میں کمی کو مصنوعی طریقے سے نہ روکے، بجلی پرسبسڈی بھی ختم کی جائے، ٹیکس کا جی ڈی پی تناسب بڑھانے کے لیے اقدامات کیے جائیں اور مختلف شعبوں کو دیئے گئے استثنیٰ بھی ختم کیے جائیں۔

IMF

Dollar

pakistani rupee

gas price

Petroleum Levy

تبصرے
1000 حروف
Saleem Saeedi Jan 25, 2023 02:35pm
2022 نہیں 2023
thumb_up Recommend reply Reply
مقبول ترین