کراچی پولیس نے 100 سے زائد وارداتیں کرنے والے گروہ کے 5 کارندوں کوگرفتارکرلیا ہے۔

پولیس کا کہنا ہے کہ عزیز آباد پولیس نے مقابلے کے بعد اسٹریٹ کراٸم سمیت سنگین وارداتوں میں ملوث اسٹریٹ کرمنل گروہ کے انتہائی مطلوب 5 ملزمان کو زخمی حالت میں گرفتارکیا ہے۔

پولیس نے بتایا کہ ملزمان اسٹریٹ کراٸم سمیت دیگر سنگین وارداتوں میں ملوث ہیں، جبکہ ملزمان کو رکنے کا اشارہ کیا گیا تھا جس پرانہوں نے فائرنگ شروع کردی اور فائرنگ کے تبادلے میں ایک ملزم فاٸرنگ کرتا ہوا فرار ہوگیا۔

پولیس کے مطابق گرفتار ملزمان کے قبضہ سے غیرقانونی اسلحہ برآمد کرتے ہوئے چھینے ہوٸے موباٸل فونز نقدی اور چوری و چھینی ہوٸی تین موٹر ساٸکلیں برآمد کرلی ہیں۔

گرفتار ملزمان کی شناخت اسلم، احسن، انور، زبیر اور عابد کے ناموں سے ہوٸی ہے، جو متعدد تھانوں کی حدود سے 100 سے زاٸد وارداتوں میں مطلوب تھے جبکہ زخمی ملزمان کو اسپتال منتقل کردیا گیا ہے۔