Aaj News

جمعرات, مارچ 28, 2024  
18 Ramadan 1445  

آج شام تک تمام 246 یوسیز کا نتیجہ تیار ہوجائے گا، صوبائی الیکشن کمشنر

شفاف الیکشن کرانے میں کوئی کثر نہیں چھوڑی ہے، اعجاز انور
شائع 16 جنوری 2023 12:12pm
کراچی میں 57 ریٹرننگ افسران نے فرائض سرانجام دیئے، اعجازانور - اسکرین گریب: آج نیوز/فائل
کراچی میں 57 ریٹرننگ افسران نے فرائض سرانجام دیئے، اعجازانور - اسکرین گریب: آج نیوز/فائل

صوبائی الیکشن کمشنراعجاز انور نے کہا ٹوٹل پولنگ اسٹیشن 4 ہزار 990 ہیں، کراچی میں لوگ صبح دیر سے نکلتے ہیں آج شام تک تمام 246 یوسیز کا نتیجہ تیار ہوجائے گا۔

میڈیا سے بات کرتے ہوئے ان کا کہنا تھا کہ کراچی میں 246 یوسی ہیں اور 57 ریٹرننگ افسران نے خدمات انجام دیں، لوکل گورنمنٹ الیکشن ایک بڑی ایکسرسائیز ہے الیکشن کمشنر نے اپنی ذمہ داری احسن طریقے سے نبھائی ہیں۔

ان کا کہنا ہے کہ کئی پولنگ اسٹیشنز میں 6 اور 7 بجے تک پولنگ رہی اور کراچی میں لوگ صبح دیر سے نکلتے ہیں، گنتی کے بعد فارم 11 اور 12 تیار ہوئے۔

صوبائی الیکشن کمشنر نے کہا کہ ہر ریٹرننگ آفیسرز کے پاس 5 یوسیز کے 25 حلقے تھے اور ہر حلقے کا فارم 11 اور 12 بننا تھا، فارم تیار ہوکر ریٹرننگ آفیسر کے پاس جانا تھا، اور پریزائڈنگ افسران فارم 11 اور 12 تیار کر کے ریٹرننگ آفیسرکے پاس آگئے۔

ان کا کہنا تھا کہ ٹوٹل پولنگ اسٹیشن 4 ہزار 990 ہیں، ہر پولنگ اسٹیشن پر جنرل ممبر، چیئرمین اورووائس چیئرمین کے فارم بنانے تھے ریٹرننگ آفیسرز کو اپینڈکس اے تیار کرنا ہے، جو غیرسرکاری نتیجہ ہوتا ہے۔

اعجاز انور کے مطابق کہا جارہا تھا کہ پریزائڈنس افسران کی طرف سے دھاندلی ہوئی ہے، اگر کسی پریزائڈنگ افسر نے کوتاہی کی تو کارروائی ہوگی، آج شام تک تمام 246 یوسیز کا نتیجہ تیار ہوجائے گا، الیکشن کمیشن نے شفاف الیکشن کرانے میں کوئی کثر نہیں چھوڑی ہے۔

Sindh Local Bodies Election

Local Bodies 16 jan

Comments are closed on this story.

تبصرے

تبولا

Taboola ads will show in this div