Aaj News

جمعہ, مارچ 29, 2024  
18 Ramadan 1445  

’آج یا کل میں بڑا سرپرائز آنے والا ہے، شہباز خود حکومت تحلیل کریں گے‘

میٹنگز ہو چکی ہیں جس میں حکومت تحلیل کرکے الیکشنز میں جانے کی بات ہوئی، عمران اسماعیل
شائع 14 جنوری 2023 08:22pm

پاکستان تحریک انصاف کے رہنما اور سابق گورنر سندھ عمران اسماعیل کا کہنا ہے کہ ایم کیو ایم کو ہمیں کھینچ کر انتخابات میں لانا پڑا، یہ اس لئے بھاگ رہے ہیں کیونکہ جانتے ہیں عمران خان کو ہرانا ناممکن ہے۔

آج نیوز کے پروگرام ”روبرو“ میں میزبان اور سینئیر صحافی شوکت پراچہ سے گفتگو میں عمران اسماعیل کا کراچی میں حلقہ بندیوں کے حوالے سے کہنا تھا کہ اب بہت دیر ہوچکی ہے، انہیں (ایم کیو ایم) کیا فرق پڑے گا یہ تو پہلے بھی ٹھپے لگا کر جیتے ہیں۔

دورانِ انتخابات سیکیورٹی کے مسئلے پر ان کا کہنا تھا کہ میں نہیں سمجھتا سیکیورٹی کا کوئی مسئلہ ہے، اگر ان سے سیکیورٹی نہیں سنبھلتی تو وزارتیں چھوڑ دیں، رانا ثناء اللہ کیوں بیٹھے ہیں، سیکیورٹی فراہم کریں الیکشن کرائیں۔ یہ سب الیکشن سے بھاگنے کے حیلے بہانے ہیں۔

انہوں نے انکشاف کیا کہ آج یا کل میں بہت بڑا سرپرائز آنے والا ہے، شہباز شریف اپنی حکومت خود تحلیل کریں گے اور ملک بھر میں الیکشن کرائیں گے۔

ان کا کہنا تھا کہ تین سے چار میٹنگز ہو چکی ہیں جس میں حکومت تحلیل کرکے الیکشنز میں جانے کی بات ہوئی، فی الحال یہ بٹے ہوئے ہیں لیکن آگے جاکر یہ فیصلہ کرلیں گے۔

pti

karachi

imran ismail

MQM Pakistan

Sindh Local Bodies Election

Politics Jan 14 2023

Karachi Mayor

Comments are closed on this story.

تبصرے

تبولا

Taboola ads will show in this div