پنجاب اسمبلی کے حلقے پی پی 47 نارووال سے منتخب رکن صوبائی اسمبلی مولانا غیاث الدین دوبارہ مسلم لیگ (ن) میں شامل ہوگئے۔

مولانا غیاث الدین نے وزیراعظم شہبازشریف سے ملاقات کی اور (ن) لیگ میں واپسی کا فیصلہ کیا۔

وزیراعظم کے معاون خصوصی عطاء اللّٰہ تارڑ نے ٹویٹ میں لکھا پنجاب اسمبلی میں (ن) لیگ کے ارکان میں اضافہ ہو رہا ہے۔

یاد رہے کہ اکتوبر2020 میں مولانا غیاث الدین ان پانچ ارکان میں شامل تھے جنہوں نے عثمان بزدار سے ملاقات کی تھی۔

مولانا غیاث کا کہنا تھا کہ وہ آئندہ (ن) لیگ سے ٹکٹ نہیں مانگیں گے۔