Aaj News

جمعہ, مارچ 29, 2024  
18 Ramadan 1445  

وفات پانے والے فوڈ انسپکٹر کو 22 سال بعد سپریم کورٹ سے انصاف مل گیا

عدالت کا محکمہ خوراک کو پینشن اور مراعات ایک ہفتے میں ادا کرنے کا حکم
شائع 29 دسمبر 2022 10:39am
سپریم کورٹ لاہور رجسٹری
سپریم کورٹ لاہور رجسٹری

وفات پا جانے والےریٹائرڈ فوڈ انسپکٹر کو سپریم کورٹ سے22سال بعد انصاف مل گیا۔ عدالت نے محکمہ خوراک کومرحوم فوڈ انسپکٹر کی پینشن اور مراعات ایک ہفتے میں اداکرنے کا حکم دے دیا۔

سپریم کورٹ لاہور رجسٹری میں جسٹس سید منصور علی شاہ کی سربراہی میں 3 رکنی فل بینچ نے کیس کی سماعت کی۔

عدالتی حکم پر محکمہ خوراک اور اکاؤنٹنٹ جنرل آفس کے افسران عدالت میں پیش ہوئے۔

عدالت نے پیش ہونے والے افسروں پر سخت برہمی کا اظہار کرتے ہوئے کہا کہ 22 سال گزر گئے کسی کو پینشن اور مراعات کی ادائیگی کا خیال کیوں نہیں آیا۔

عدالتی حکم پر پیش ہونے والے افسروں نے پینشن فوری ریلیز کرنے کی تحریری یقین دہانی کروائی۔

جس پر عدالت نے حکم دیا کہ ایک ہفتے میں مرحوم کی بیوہ کو پینشن اور مراعات اداکردی جائیں۔

فوڈانسپکٹر کےوکیل حافظ طارق نسیم نے مؤقف اختیار کیا کہ محکمہ خوراک نے اپیل کنندہ فوڈ انسپکٹر کےذمے 9لاکھ روپے کی وصولی ڈالی،ریکوری کے فیصلے کےخلاف پنجاب سروس ٹربیونل سے رجوع کیا، پنجاب سروس ٹربیونل نے پینشن مراعات سے 9لاکھ وصول کرکےمحکمے کو بقایارقم ادائیگی کا حکم دیا، سروس ٹربیونل کے فیصلے کے برعکس سال 2001میں ریٹائرڈ ہونے کے باوجود پینشن مراعات ادا نہیں کی گئیں۔

Justice

justice mansoor ali shah

supreme court lahore registry

food inspector

Comments are closed on this story.

تبصرے

تبولا

Taboola ads will show in this div