Aaj News

جمعہ, مارچ 29, 2024  
18 Ramadan 1445  

پی ڈی ایم نے وزیراعلیٰ پنجاب، اسپیکر اور ڈپٹی اسپیکر کیخلاف عدم اعتماد جمع کرا دی

ن لیگ اور پیپلز پارٹی کے ارکان اب سے کچھ دیر بعد پنجاب اسمبلی پہنچیں گے، ذرائع
اپ ڈیٹ 19 دسمبر 2022 10:35pm
فوٹو — فائل
فوٹو — فائل

پاکستان ڈیموکریٹک موومنٹ (پی ڈی ایم) نے وزیر اعلیٰ پنجاب چوہدری پرویزالہیٰ کے خلاف تحریک عدم اعتماد اسمبلی سیکٹریٹ میں جمع کرادی۔

ذرائع کے مطابق ن لیگ اور پیپلز پارٹی ارکان پنجاب اسمبلی پہنچے، وزیراعلیٰ کے خلاف تحریک عدم اعتماد حسن مرتضیٰ اور خلیل طاہر سندھو نے اسمبلی سیکٹریٹ میں جمع کروائی۔

ذرائع نے بتایا کہ اسپیکر اور ڈپٹی اسپیکر پنجاب اسمبلی کے خلاف بھی عدم اعتماد جمع کرائی گئی جب کہ پی ڈی ایم پرویز الٰہی کے خلاف اعتماد کے ووٹ کا بھی آپشن استعمال کرے گی۔

ذرائع کا کہنا تھا کہ اسمبلی سیکرٹریٹ کھلا ہوا تو آج ہی تحریک جمع کرادی جائے گی، سیکرٹریٹ بند ہونے پر عدم اعتماد کی تحریک صبح جمع کرائی جائے گی۔

اس سے قبل وزیراعظم شہباز شریف کی زیر صدارت اجلاس میں مسلم لیگ (ن) نے پنجاب اسمبلی کی تحلیل روکنے کے لئے حکمت عملی مکمل کرتے ہوئے اعتماد کے ووٹ کے ساتھ ساتھ ق لیگ اور پی ٹی آئی کے اراکین سے رابطوں کے لئے چوہدری شجاعت اور آصف علی زرداری کو ٹاسک دینے کا فیصلہ کیا۔

آصف زرداری کی جانب سے بھی پی ٹی آئی کے ناراض اراکین سے رابطوں کا عندیہ دیتے ہوئے اتحادیوں کے ساتھ آئندہ 48 گھنٹوں میں ملاقاتیں کرنے پر اتفاق کیا گیا ہے۔

خیال رہے کہ چیئرمین پاکستان تحریک انصاف عمران خان نے رواں ہفتے 23 دسمبر کو پنجاب اور خیبرپختونخواہ اسمبلیاں توڑنے کا اعلان کررکھا ہے۔

PDM

lahore

Chaudhry Pervaiz Elahi

no confidence motion

Punjab Assembly dissolve

Politics Dec19 2022

Politics Dec20 2022

Comments are closed on this story.

تبصرے

تبولا

Taboola ads will show in this div