پاکستان میں فی تولہ سونا ہزاروں روپے اضافے سے ملکی تاریخ کی بلند ترین سطح پر پہنچ گیا ہے۔

سندھ صرافہ بازار جیولرز ایسوسی ایشن کے مطابق یکدم 2200 روپے مہنگا ہو کر فی تولہ سونا کی قیمت ایک لاکھ 74 ہزار 900 روپے کی ریکارڈ سطح پر پہنچ گئی ہے۔

ایسوسی ایشن کے مطابق 10 گرام سونے کا بھاؤ 1886 اضافے کے بعد ایک لاکھ 49 ہزار 948 روپے ہوگیا ہے۔

اس کے علاوہ عالمی مارکیٹ میں تین ڈالر اضافے سے فی اونس سونے کی قدر 1796 ڈالرز ہوگئی ہے۔