Aaj News

جمعہ, مارچ 29, 2024  
18 Ramadan 1445  

تھیٹر پلے ’سو دن چور کے‘، مزاح کا نیا انداز

یہ پلے آرٹس کونسل کی تھیٹر اکیڈمی کی ریپٹری کمپنی کے افتتاح پر پیش کیا گیا
شائع 10 دسمبر 2022 01:23am

آرٹس کونسل کراچی کی تھیٹر اکیڈمی کی جانب سے دلچسپ تھیٹر پلے سو دن چور کے، پیش کیا گیا، جس میں فنکاروں نے شاندار پرفارمنس پر بھرپور داد سمیٹی۔

آرٹس کونسل کراچی کی تھیٹر اکیڈمی کی ریپٹری کمپنی کا افتتاح کردیا گیا اس موقع پر ’سو دن چور کے‘ عنوان سے پیش کئے گئے تھیٹر میں مشہور محاورے ایک جھوٹ کے بدلے سو جھوٹ کی جھلک نظر آئی ۔

تھیٹر پلے میں آرٹس کونسل کی تھیٹر اکیڈمی کے ٹیچر نذر الحسن اور فواد خان نے بھی پرفارم کیا۔

اسٹیج آرٹسٹ نذر الحسن کا کہنا تھا کہ اس پلے کا مقصد عوام کو تفریح فراہم کرنا ہے تاکہ وہ ٹینشن سے تھوڑی دیر کیلئے سکون پاسکیں۔

پلے کی ہدایت کاری ذیشان حیدر نے کی اور اسے پروڈیوس عازب خان نے کیا۔

تھیٹر دیکھنے فلمساز نبیل قریشی بھی آئے آج ٹی وی سے گفتگو میں نبیل قریشی کا کہنا تھا کہ جس طرح پرفارم کیا سب نے مزہ آیا کافی دنوں بعد کوئی پلے دیکھا۔

اس موقع پر تقریب سے صدر آرٹس کونسل محمد احمد شاہ نے اظہار خیال کرتے ہوئے کہا کہ آرٹس کونسل کی تھیٹر اکیڈمی کی رپیٹری کمپنی کا ہم آج افتتاح کر رہے ہیں، ریپٹری کمپنی کے تحت چار مختلف تھیٹر پلے پیش کیے جائیں گے۔

فلم پروڈیسر فضا علی مرزا نے کہا کہ اس پلے ہماری سوسائٹی کے ایشوز کو خوبصورتی سے پیش کیا گیا۔

تھیٹر کی کہانی ایک ایسے شخص کے گرد گھومتی ہے جو حکومتی امداد حاصل کرنے لیے جھوٹ کا سہارا لیتا ہے۔

تھیٹر پلے سو دن چور کے سولہ دسمبر تک آرٹس کونسل آف پاکستان کراچی میں جاری رہے گا۔

100 din k chor

Comments are closed on this story.

تبصرے

تبولا

Taboola ads will show in this div