Aaj News

جمعہ, مارچ 29, 2024  
18 Ramadan 1445  

اعظم سواتی کیخلاف مقدمات کی تفصیل کیلئے دائردرخواست پرفیصلہ محفوظ

اعظم سواتی کواسلام آباد سے کہیں اورمنتقل کرنے سے روکا جائے، وکیل
شائع 02 دسمبر 2022 11:15am
تصویر/فائل
تصویر/فائل

اسلام آباد ہائیکورٹ نے پی ٹی آئی رہنما سینیٹر اعظم سواتی کی ملک بھر میں درج مقدمات کی تفصیل فراہم کرنے کے لیے دائر درخواست پر فیصلہ محفوظ کرلیا ہے۔

اعظم سواتی کے خلاف ملک بھرمیں مقدمات درج ہونے کے معاملے پرسماعت ہوئی جس پرچیف جسٹس اسلام آباد ہائیکورٹ عامر فاروق نے کہا کہ ایک ہی واقعہ پرمتعدد کیسزدرج ہوئے ہیں۔

چیف جسٹس نے کہا کہ ایف آئی اے کو بھی فریق بنایا گیا ہے، وہ تو آپ کے دائرہ اختیارمیں ہے، آپ اعظم سواتی کے خلاف ایف آئی اے کیسزکی تفصیل تو دے سکتے ہیں۔

چیف جسٹس ریماکس پرایڈیشنل اٹارنی جنرل نے کہا کہ وفاقی حکومت کوصوبائی حکومت کو ڈائریکشن دینے کا اختیارنہیں ہے اور ایف آئی اے سے متعلق معلومات ہم فراہم کرسکتے ہیں۔

وکیل بابراعوان نے کہا مجھے ایف آئی آرز کا تو بتایا جائے تاکہ میں ضمانت کراسکوں، میرے تمام بنیادی حقوق متاثر ہورہے ہیں، ایک موثرآرڈردے دیں۔

انہوں نے مزید کہا کہ اعظم سواتی کواسلام آباد سے کہیں اورمنتقل کرنے سے روکا جائے۔عدالت نے درج مقدمات کی تفصیل فراہم کرنے کی درخواست پرفیصلہ محفوظ کرلیا۔

Islamabad High Court

Azam Swati

Comments are closed on this story.

تبصرے

تبولا

Taboola ads will show in this div