Aaj News

جمعہ, مارچ 29, 2024  
18 Ramadan 1445  

حقیقی آزادی مارچ : اسلام آباد کے داخلی راستے جزوی طور پربند

فیض آباد کے رہائشی ہوٹلوں اور فلیٹس کی چیکنگ عمل میں لائی جائے گی، اسلام آباد پولیس
اپ ڈیٹ 26 نومبر 2022 10:58am
ریڈزون کے علاقے میں پولیس اور نیم فوجی دستے اپنی ڈیوٹی انجام دے درہے ہیں۔ تصویر: روئٹرز
ریڈزون کے علاقے میں پولیس اور نیم فوجی دستے اپنی ڈیوٹی انجام دے درہے ہیں۔ تصویر: روئٹرز

پی ٹی آئی کے حقیقی آزادی مارچ کے سلسلے میں اسلام آباد کے داخلی راستوں کو جزوی طور پربند کردیا گیا ہے۔

مختلف شاہراہوں پرکنٹینرز کی موجودگی کے باعث ٹریفک کی روانی متاثرہورہی ہے جبکہ اسلام ایکسپریس وے پر کورال چوک سے اسلام آباد آنے والا راستہ کنٹینرزلگا کربند کیا گیا ہے۔

اس کے علاوہ فیض آباد انٹرچینج بھی جزوی طور پر بند کردیا گیا ہے جبکہ فیض آباد انٹرچینج پرپولیس اورایف سی کی بھاری نفری تعینات ہے۔

زیروپوائنٹ انٹرچینج پربھی کنٹینرزلگا دیے گئے ہیں جس کے باعث راستہ جزوی طورپربند ہے۔

دوسری جانب گزشتہ رات سے ہی راولپنڈی میں پاکستان تحریک انصاف کے حقیقی آزادی مارچ کے پیشِ نظر فیض آباد بس اڈہ بند کردیا گیا ہے۔

اسلام آباد پولیس کا کہنا ہے کہ آج رات 10 بجے سے سیاسی جماعت کے جلسے کے اختتام تک فیض آباد بس اڈہ بند رہے گا، حفاظتی اقدامات کے لئے پبلک ٹرانسپورٹ کو بھی داخلے کی اجازت نہیں دی جائے گی۔

اسلام آباد پولیس نے بتایا کہ فیض آباد کے رہائشی ہوٹلوں اور فلیٹس کی چیکنگ عمل میں لائی جائے گی جب کہ رہائشیوں کو چیکنگ کے بعد جانے کی اجازت ہوگی۔

ترجمان پولیس کا کہنا ہے کہ راولپنڈی کی جانب مری روڈ بھی بند کر دیا گیا ہے جب کہ آئی جے پی روڈ، نائنتھ ایونیو سے پنڈی کی طرف راستے بند ہوں گے۔

islamabad police

faizabad

PTI march Rawalpindi

Politics Nov25 2022

Comments are closed on this story.

تبصرے

تبولا

Taboola ads will show in this div