Aaj News

جمعہ, مارچ 29, 2024  
18 Ramadan 1445  

بنگلہ دیشی نژاد باپ، 2 بیٹوں کو شناختی کارڈ جاری نہ کرنے پر افسران طلب

عدالت کا آئندہ سماعت پر نادرا حکام کو وضاحت پیش کرنے کا حکم
اپ ڈیٹ 23 نومبر 2022 04:33pm
سندھ ہائیکورٹ
سندھ ہائیکورٹ

سندھ ہائیکورٹ نے عدالتی حکم کے باوجود باپ اور 2بیٹوں کوشناختی کارڈ جاری نہ کرنے پرڈی جی نادرا، ڈائریکٹرآپریشن اور دیگر کو توہین عدالت کے نوٹس جاری کردیے۔

دوران سماعت درخواست گزار کے وکیل کا مؤقف تھا کہ عدالتی حکم کے باوجود درخواست گزار باپ اور2بیٹوں کو شناختی کارڈ جاری نہیں کیا گیا۔

عدالت نے ڈی جی نادرا،ڈائریکٹرآپریشن اوردیگرکوتوہین عدالت کے نوٹس جاری کرتے ہوئے آئندہ سماعت پر نادرا حکام کو وضاحت پیش کرنے کا حکم بھی دے دیا۔

وکیل کا مؤقف تھا کہ درخواست گزارمحمد حفیظ 1980کی دہائی میں بنگلہ دیش سے پاکستان آئے، 1989 میں قومی شناختی کارڈ بھی جاری ہوچکا ہے، درخواست گزارمحمد حفیظ نے 1996رضوانہ پروین نامی خاتون سے شادی کی۔

وکیل نے مزید کہا کہ درخواست گزار کے2بیٹے مصطفی علی اورمرتضی علی ہیں، نادرا حکام شناختی کی تجدید نہیں کررہے ہیں نہ ہی بچوں کے شناختی کارڈ بنا رہے ہیں، شناختی کارڈ نہ ہونے سے مالی اورملازمت کے حصول میں مشکلات ہیں ،درخواست گزارکے پاس تمام ضروری دستاویزات موجود ہیں۔

notice

NADRA

Contempt of Court

Sindh High Court

Politics Nov23 2022

NIC

Comments are closed on this story.

تبصرے

تبولا

Taboola ads will show in this div