Aaj News

جمعہ, مارچ 29, 2024  
18 Ramadan 1445  

پی ٹی آئی کارکنوں کو راولپنڈی پہنچنے کی ہدایت

رہائش کا انتظام رکھنے والے 25 نومبر کو پہنچ جائیں، اسد عمر اور شاہ محمود گفتگو
اپ ڈیٹ 21 نومبر 2022 07:27pm
Shah Mehmood appeals to PTI workers to reach Pindi on November 25 night | Aaj News

نائب چیئرمین پاکستان تحریک انصاف (پی ٹی آئی) شاہ محمود قریشی نے پارٹی کارکنان کو ہدایت کی کہ اگر رہائش کا انتظام ہے تو 25 نومبر کی رات کو پنڈی پہنچ جائیں اور جو 26 کو آنا چاہتے ہیں وہ صبح پنڈی پہنچیں۔

لاہور میں میڈیا سے اسد عمر اور دیگر پارٹی رہنماؤں کے ہمراہ میڈیا سے گفتگو کرتے ہوئے شاہ محمود قریشی نے کہا کہ ہمارا مارچ آئین اور قانون کے دائرے میں ہوگا، 26 نومبر کو ملک بھر سے قافلے راولپنڈی آئیں گے جب کہ عمران خان خود حقیقی آزادی مارچ میں شرکت کرکے آئندہ لائحہ عمل سے آگاہ کریں گے۔

انہوں نے کہا کہ 26 نومبر کو عوام سے بروقت نکلنے کی اپیل کی ہے، رہائش کا بندوبست ہے تو کارکنان 25 نومبر کو راولپنڈی پہنچ جائیں، البتہ پارٹی اقبال پارک میں رہائش کا انتظام کر رہی ہے۔

شاہ محمود قریشی نے کہا کہ مارچ میں کہیں سڑکیں، بازار بند نہیں ہوئے، عمران خان پر منصوبے کے تحت وزیر آباد میں قاتلانہ حملہ ہوا جس کے باوجود کارکان مشتعل نہیں ہوئے، حملے کی ایف آئی آر پولیس کی مدعیت میں درج ہوئی، اس مقدمے کی کوئی حیثیت نہیں۔

پارٹی وائس چیئرمین کا مزید کہنا تھا کہ شوکت ترین نے آج معاشی صورتحال سے بتایا، لہٰذا فوری الیکشن نہ ہوئے تو معیشت کو مزید نقصان ہوگا، پاکستان تیزی سے ڈیفالٹ کی طرف جارہا ہے، الیکشن پر اسرار اقتدار کے لئے نہیں بلکہ ڈیفالٹ سے بچانے کے لئے ہے۔

اس موقع پر پی ٹی آئی جنرل سیکرٹری اسد عمر کا کہنا تھا کہ راولپنڈی میں مری روڈ پر عوام جمع ہوں گے، 25 نومبر کو قافلہ راولپنڈی پہنچنا شروع ہو جائیں گے جب کہ راولپنڈی کے اقبال پارک میں خیمہ بستی بنائی جائے گی۔

Shah Mehmood Qureshi

imran khan

lahore

Asad Umer

PTI long march 2022

Politics Nov21 2022

Comments are closed on this story.

تبصرے

تبولا

Taboola ads will show in this div