Aaj News

جمعہ, مارچ 29, 2024  
18 Ramadan 1445  

جنرل باجوہ الوداعی دورے کر رہے ہیں، آئی ایس پی آر

حالات جیسے بھی ہوں، سپاہ جذبے اور عزم کے ساتھ قوم کی خدمت جاری رکھے، آرمی چیف
شائع 10 نومبر 2022 05:21pm
آرمی چیف جنرل قمر جاوید باجوہ (فوٹو:فائل)
آرمی چیف جنرل قمر جاوید باجوہ (فوٹو:فائل)

چیف آف آرمی اسٹاف جنرل قمر جاوید باجوہ نے مختلف فارمیشنز کے اپنے الوداعی دوروں پر سیالکوٹ اور منگلا گیریژن کا دورہ کیا۔

انٹر سروسز پبلک ریلیشنز (آئی ایس پی آر) کے مطابق آرمی چیف جنرل قمر جاوید باجوہ نے دونوں مقامات پر افسران اور جوانوں سے ملاقات کی اور فوجیوں سے خطاب کیا۔

اس موقع پر انہوں نے کہا کہ حالات جیسے بھی ہوں، سپاہ جذبے اور عزم کے ساتھ قوم کی خدمت جاری رکھے۔

آئی ایس پی آر کے مطابق آرمی چیف نے مختلف آپریشنز، ٹریننگ اور قدرتی آفات کے دوران بہترین کارکردگی پر فارمیشنز کو سراہا۔“

سپہہ سالار کے سیالکوٹ پہنچنے پر لیفٹیننٹ جنرل محمد عامرنے استقبال کیا، آرمی چیف کی منگلا گیریژن آمد پر لیفٹیننٹ جنرل ایمن بلال صفدر نے خیرمقدم کیا۔

ISPR

پاکستان

Army Chief General Qamar Javed Bajwa

Comments are closed on this story.

تبصرے

تبولا

Taboola ads will show in this div