Aaj News

جمعہ, مارچ 29, 2024  
18 Ramadan 1445  

عمران خان پر حملے کا ڈائریکٹراسرائیلی یا بھارتی ہے: شرجیل میمن

انٹرنیشنل ڈاکٹرزکاایک میڈیکل بورڈ بناکرعمران کا معائنہ کروایا جائے، صوبائی وزیر
شائع 05 نومبر 2022 02:56pm
Sharjeel Inam Memon important press conference regarding Imran Khan attack | Aaj News

صوبائی وزیر اطلاعات شرجیل میمن کا کہنا ہے کہ عمران خان پر حملے کا ڈائریکٹر اسرائیلی یا بھارتی ہے، عمران خان کی لانگ مارچ بری طرح ناکام ہوچکی تھی، مارچ کی ناکامی کے بعد عمران خان پر حملے کا ڈرامہ رچایا گیا۔

کراچی میں نیوز کانفرنس کرتے ہوئے شرجیل میمن نے کہا کہ عمران خان کو چار گولیاں لگیں تو ان کو قریبی گجرات کے اسپتال میں جانے چاہیے تھا لیکن وہ شوکت خانم اسپتال چلے گئے۔

انہوں نے کہا کہ اس معاملے پر وزیراعظم سے اپیل کرتا ہوں کہ مشترکہ جے آئی ٹی بنائی جائے، انٹرنیشنل ڈاکٹرزکاایک میڈیکل بورڈ بناکرعمران کا معائنہ کروایا جائے۔

ان کا کہنا تھا کہ عمران خان غیرجمہوری زبان استعمال کررہے ہیں، عمران پر حملے کا ڈائریکٹراسرائیلی یا بھارتی ہے، عمران خان سوچی سمجھی سازش کے تحت اداروں کو بدنام کررہے ہیں۔

انہوں نے مزید کہا کہ عمران خان قوم کو گمراہ کررہے ہیں، عمران خان اداروں کے خلاف فساد چاہ رہا ہے،عمران خان گھناؤنی سازش کے ذریعے اچھے افسران کو بدنام کررہا ہے۔

ان کا کہنا تھا کہ پاکستان ہماری ریڈ لائن ہے، سازشی عناصر کا مقصد قوم کے اندر انتشار اور فساد برپا کرنا ہے۔

انہوں نے سوال کیا کہ وہ کون شخص ہے جس نے عمران خان کو بتایا کہ اس پر حملہ ہوگا؟ وہ کون شخص ہے عمران خان ان کا نام بتائیں۔

karachi

PPP

sindh

Sharjeel Memon

Comments are closed on this story.

تبصرے

تبولا

Taboola ads will show in this div