Aaj News

عمران کو پارٹی چیئرمین کے عہدے سے ہٹانے کی درخواست قابل سماعت قرار

لاہور ہائیکورٹ کے جسٹس ساجد محمود سیٹھی نے محفوظ فیصلہ سنادیا
شائع 04 نومبر 2022 12:01pm
<p>فوٹو۔۔۔۔۔۔ اے ایف پی</p>

فوٹو۔۔۔۔۔۔ اے ایف پی

لاہور ہائیکورٹ نے سابق وزیراعظم عمران خان کو چیئرمین پی ٹی آئی کے عہدے سے ہٹانے کی درخواست قابل سماعت قرار دے دی۔

لاہور ہائیکورٹ کے جسٹس ساجد محمود سیٹھی نے عمران خان کو چیئرمین پی ٹی آئی کے عہدے سے ہٹانے کی درخواست پر محفوظ فیصلہ سنادیا، عدالت نے درخواست قابل سماعت قرار دے دیا۔

عدالت نے اٹارنی جنرل کو نوٹس جاری کردی کرتے ہوئے 11 نومبر کو جواب طلب کرلیا۔

مزید پڑھیں: عمران خان کو پی ٹی آئی چیئرمین کے عہدے سے ہٹانے کی درخواست پر فیصلہ محفوظ

عدالت نے درخواست کے قابل سماعت ہونے یا نہ ہونے سے متعلق فیصلہ محفوظ کیا تھا جبکہ درخواست گزار محمد آفاق ایڈووکیٹ نے عدالت سے رجوع کر رکھا ہے ۔

درخواست گزار نے مؤقف اپنایا تھا کہ توشہ خانہ کیس میں الیکشن کمیشن نے عمران خان کو نااہل کر دیا ہے،نااہل شخص کسی سرکاری، حکومتی عہدے یا سیاسی جماعت کی سربراہی نہیں کرسکتا۔

درخواست میں استدعا کی گئی تھی کہ عدالت عمران خان کو چیئرمین تحریک انصاف کے عہدے سے ہٹانے اور تحریک انصاف کو نیا چیئرمین مقرر کرنے کا حکم دے ۔

pti

imran khan

Lahore High Court

Comments are closed on this story.