Aaj News

جمعہ, مارچ 29, 2024  
19 Ramadan 1445  

عمران خان کا آپریشن ہو گیا، اللہ کے فضل سے وہ تندرست ہیں، فیصل جاوید

عمران خان نے کہا آخری سانس تک اپنی جدوجہد جاری رکھیں گے
شائع 04 نومبر 2022 08:38am
فوٹو۔۔۔۔۔۔ اے پی پی
فوٹو۔۔۔۔۔۔ اے پی پی

پاکستان تحریک انصاف کے رہنما فیصل جاوید نے کہا ہے کہ عمران خان کا آپریشن ہو گیا، اللہ کے فضل سے وہ تندرست ہیں۔

سماجی رابطے کی ویب سائٹ ٹوئٹر پرجاری بیان میں فیصل جاوید نے کہا کہ اب سےکچھ دیرپہلےعمران خان سےملاقات ہوئی، الحمدللہ عمران خان کا آپریشن ہوگیا،اللہ کے فضل سے عمران خان تندرست ہیں، ان کے جذبے کو سلام!۔

ان کا کہنا تھا کہ عمران خان نے کہاکہ وہ آخری سانس تک اپنی جدوجہدجاری رکھیں گے!،پوری قوم کی دعاؤں کا شکریہ ! اللہ پرایمان ۔۔۔ مشکلات سے نکلے گا پاکستان۔

فیصل جاوید نے اپنے ٹویٹ میں مزید کہا کہ اگر اللہ تعالیٰ تمہاری مدد کرے تو تم پر کوئی غالب نہیں آسکتا اور اگر وہ تمہیں چھوڑ دے تو اس کے بعد کون ہے جو تمہاری مدد کرے؟ ایمان والوں کو اللہ تعالیٰ ہی پر بھروسہ رکھنا چاہیئے۔

گزشتہ روز وزیرآباد سے گزرتے ہوئے اللہ ہو چوک کے مقام پر پی ٹی آئی حقیقی آزادی مارچ کے کنٹینر پر فائرنگ کے نتیجے میں عمران خان اور پی ٹی آئی رہنماؤں سمیت 14 افراد زخمی ہوگئے جبکہ معظم نامی ایک شخص جاں بحق ہوگیا۔

pti

imran khan

Wazirabad

Faisal Javed

PTI long march 2022

Azadi March Nov4 2022

Comments are closed on this story.

تبصرے

تبولا

Taboola ads will show in this div