Aaj News

موجودہ حکومت کی کانپیں ٹانگ رہی ہیں، فواد چوہدری

حقیقی آزادی مارچ موجودہ نظام کے خلاف ہے
شائع 03 نومبر 2022 10:00am
<p>پی ٹی آئی فواد چوہدری</p>

پی ٹی آئی فواد چوہدری

پاکستان تحریک انصاف کے رہنما فواد چوہدری کا کہنا ہے کہ موجودہ حکومت کی کانپیں ٹانگ رہی ہیں۔

سابق وفاقی وزیرفواد چوہدری نے آج نیوز کے پروگرام ’آج پاکستان‘ میں گفتگو کرتے ہوئے کہاکہ بیشتر ضمنی انتخابات میں کامیابی پی ٹی آئی کی ہوئی ہے، پاکستان میں صورتحال سری لنکا سے مختلف نہیں ہے۔

انہوں نے کہا کہ نوجوان نسل میں موجودہ نظام کے خلاف بڑاغصہ ہے،عوام بند کمروں کے فیصلوں کو مسترد کرتے ہیں، پاکستان کےعوام موجودہ نظام کی تبدیلی چاہتے ہیں۔

فواد چوہدری کا کہنا تھا کہ راناثناء احمقانہ بات کررہے ہیں،راناثناء وزیرداخلہ جیسی نہیں ،غنڈےجیسی باتیں کرتےہیں۔

پی ٹی آئی رہنماء نے مزید کہا کہ حقیقی آزادی مارچ موجودہ نظام کے خلاف ہے، نظام کی تبدیلی کے لئے لوگ ہمارا ساتھ دیں۔

انہوں نے بتایا کہ آج عمران خان وزیرآباد میں ہوں گے، کل کھاریاں اور لالہ موسیٰ میں ہوں گے، کھاریاں اور لالہ موسیٰ کے بعد عمران خان جہلم میں داخل ہوں گے۔

pti

AAJ NEWS

آج پاکستان

Fawad Chaudhary

PTI long march 2022

Azadi March Nov3 2022

Comments are closed on this story.