Aaj News

جمعہ, مارچ 29, 2024  
18 Ramadan 1445  

ٹی وی رپورٹر صدف نعیم آزادی مارچ کنٹینر کے نیچے آکر جاں بحق

عمران خان کو اطلاع ملی تو فوراً کنٹینر سے نیچے اتر آئے
اپ ڈیٹ 31 اکتوبر 2022 01:08am
Breaking | Female reporter died after falling under Imran Khan’s container | Long March | Aaj News

چینل فائیو کی رپورٹر صدف پاکستان تحریک انصاف (پی ٹی آئی) کے چئیرمین عمران خان کے لانگ مارچ کنٹینر کے نیچے آکر جاں بحق ہوگئی ہیں اور ان کے شوہر نے واقعے کو حادثہ قرار دیتے ہوئے کسی بھی قسم کی قانونی کارروائی سے انکار کردیا ہے۔

عمران خان کو اطلاع ملی تو وہ فوراً متوفیہ کو دیکھنے کیلئے کنٹینر سے نیچے اتر آئے اور سیکیورٹی کے منع کرنے کے باوجود عمران خان متوفیہ کے قریب چلے گئے۔

حادثے کے بعد عمران خان نے افسوس کا اظہار کرتے ہوئے لانگ مارچ روکنے کا اعلان کیا اور ان کے اہل خانہ کیلئے صبر کی دعا کی۔

یہ بھی پڑھیں: عمران خان کے خطاب کے دوران حادثہ، چھت گرنے سے 7 افراد زخمی

حادثے کے بعد عمران خان کا قافلہ روک دیا گیا جبکہ ریسکیو کی گاڑی کو بھی فوری طلب کرلیا گیا۔

رپورٹر صدف نعیم کافی سینئیر، اپنے پیشے سے مخلص اور بہت ہی محنتی خاتون تھیں۔

اطلاعات کے مطابق خاتون رپورٹر کنٹینر پر چڑھنے کے دوران ہاتھ پھسلنے سے گریں اور ٹائر کے نیچے آگئیں۔

یہ بھی پڑھیں: صدف نعیم کے شوہر کا پوسٹ مارٹم اور قانونی کارروائی سے انکار

افسوسناک حادثے پر وزیراعظم میاں محمد شہباز شریف کی جانب سے افسوس کا ظہار کیا گیا ہے۔

وزیراعظم کا کہنا ہے کہ ”رپورٹر صدف نعیم کی لانگ مارچ کنٹینر سے گرنے سے ہونے والی ہلاکت پر شدید دکھ ہے۔ اندوہناک واقعے پر جتنا افسوس کیاجائے کم ہے۔“

یہ بھی پڑھیں: ’بچوں ڈیوٹی پر تو جانا ہی ہے، آج جلد آجاؤں گی‘

وزیراعظم نے مرحومہ کیلئے دعا کرتے ہوئے لکھا کہ ”اہل خانہ سے دلی تعزیت کرتے ہیں۔ صدف نعیم ایک متحرک اور محنتی رپورٹر تھیں۔ مرحومہ کی مغفرت اہل خانہ کے لئے صبر جمیل کی دعا کرتے ہیں۔“

PTI long march 2022

Imran Khan Container

Reporter dead

Azadi March Oct31 2022

Comments are closed on this story.

تبصرے

تبولا

Taboola ads will show in this div