Aaj News

جمعہ, مارچ 29, 2024  
18 Ramadan 1445  

ریاستی ادارے کسی کے آلہ کار بننے کے بجائے آئین کی پاسداری کریں: عمر چیمہ

سازشی ٹولے کے پاس عوام کو ریلیف دینے کے لئے کوئی حل موجود نہیں
شائع 22 اکتوبر 2022 06:22pm
فوٹو  — فائل
فوٹو — فائل

مشیر داخلہ پنجاب عمر سرفراز چیمہ کا کہنا ہے کہ ریاستی ادروں کو چاہیئے آئین کی پاسداری کریں، کسی کے آلہ کار نہ بنیں۔

پنجاب اسمبلی کے باہر میڈیا سے گفتگو کرتے ہوئے عمران خان کی نا اہلی کے فیصلے پر عمر چیمہ نے کہا کہ الیکشن کمیشن نے جانبدارانہ رویہ اختیار کیا جسے عوام نے مسترد کردیا ہے۔

ان کا کہنا تھا کہ الیکشن کمیشن نے عدالتی فیصلےکی خلاف ورزی کی اور اسلام آباد پولیس نے ہمارے قائدین پر جھوٹے مقدمے درج کئے ہیں، اس کے باوجود پنجاب حکومت نے ذمہ دارانہ رویہ اختیار کیا ہے۔

مشیر داخلہ نے کہا کہ وفاق پر قابض جتھہ ملک میں انارکی چاہتا ہے، اس سازشی ٹولے کے پاس عوام کو ریلیف دینے کے لئے کوئی حل موجود نہیں۔

عمر چیمہ کا مزید کہنا تھا کہ پوری پاکستانی قوم عمران خان کی کال کا انتظار کر رہی ہے،ساری قوم عمران خان کے ساتھ ہے، گزشتہ روز بھی پنجاب کے تین سے چار سو مقامات پر پُر امن احتجاج کیا گیا۔

ECP

imran khan

Umar Sarfraz Cheema

pti long march

politics Oct 21

Imran Khan Disqualification

Comments are closed on this story.

تبصرے

تبولا

Taboola ads will show in this div