Aaj News

پی ٹی آئی کا پنجاب اور کے پی کی اسمبلیاں توڑنے پر غور

وزرائے اعلیٰ نے اسبلیاں توڑنے کا اختیار عمران خان کو دے دیا: ذرائع
شائع 21 اکتوبر 2022 11:50pm
<p>فوٹو — فائل</p>

فوٹو — فائل

چیئرمین پاکستان تحریک انصاف (پی ٹی آئی) عمران خان کی زیرِ صدارت پارٹی قیادت کا اجلاس ہوا جس میں پنجاب اور خیبر پختونخوا اسمبلیوں کو تحلیل کرنے سے متعلق مشاورت کی گئی۔

ذرائع کا کہنا ہے کہ اجلاس میں الیکشن کمیشن کے فیصلے کی مذمت کی گئی اور اس فیصلے کے خلاف عدالت سے رجوع کرنے کا فیصلہ کیا گیا۔

اجلاس میں پی ٹی آئی رہنماؤں نے خٰبر پختونخوا، پنجاب اور گلگت بلتستان کی اسمبلیاں تحلیل کرکے ملک کو جنرل الیکشن کی طرف لے جانے پر غور کیا جب کہ پنجاب، کے پی اور جی بی کے وزرائے اعلیٰ نے اسبلیاں توڑنے کا اختیار عمران خان کو دے دیا۔

پی ٹی آئی کے اجلاس میں لانگ مارچ کے حوالے سے تبادلہ خیال کیا گیا جہاں پارٹی کے کچھ رہنماؤں نے لانگ مارچ کا اعلان کرنے کا مشورہ دیا۔

ذرائع کا کہنا ہے کہ پی ٹی آئی قیادت تا حال کسی فیصلے پر نہیں پہنچ سکی، لہٰذا ان کی مشاورت جاری ہے۔

KPK

Punjab Govt

pti long march

politics Oct 21

Imran Khan Disqualification

Comments are closed on this story.

مقبول ترین