Aaj News

نواز شریف 15 نومبر تک پاکستان آسکتے ہیں: اعجاز الحق

آرٹیکل 245 لگا تو بات سیاستدانوں کے ہاتھ سے نکل جائے گی
اپ ڈیٹ 14 اکتوبر 2022 11:14pm

Exclusive debate with Ijaz-ul-Haq | Kiya gate no.4 ka number badal chuka?|Aaj Rana Mubashir kay sath

پاکستان مسلم لیگ ضیاء کے سربراہ اعجاز الحق کا کہنا ہے کہ اگر آرٹیکل 245 لگا تو بات سیاستدانوں کے ہاتھ سے نکل جائے گی، پی ٹی آئی نے اسمبلیوں میں واپس جانے کا عندیہ دے دیا ہے۔

آج نیوز کے پروگرام ’آج رانا مبشر کے ساتھ‘ میں گفتگو کرتے ہوئے اعجاز الحق نے کہا کہ فون بلاک کرنے والی باتیں غلط ہیں، اگر کنٹرولڈ الیکشن ہوئے تو حالات خراب ہوجائیں گے۔

انہوں نے کہا کہ نواز شریف 15 نومبر تک وطن واپس آسکتے ہیں، 17 جولائی کے الیکشن کے نتائج پر کسی نے اعتراض نہیں کیا، الیکشن سے پہلے رولز آف گیم تیار کرنے پڑیں گے۔

اعجاز الحق نے کہا کہ عمران خان نے کہا تھا کہ سفارتی سائفر کی انکوائری کروادو تو اسمبلیوں میں چلے جائیں گے، اگرعمران خان اسمبلی توڑ دیتے تو نئے انتخابات میں اکثریت سے آجاتے۔

مسلم لیگ ق کے بارے میں بات کرتے ہوئے انہوں نے کہا کہ چوہدری شجاعت اور پرویز الٰہی کے درمیان دوبارہ صلح ہوجائے گی، چوہدری شجاعت نے کہا کہ ان کا اور پرویز الٰہی کا کوئی جھگڑا ہی نہیں۔

عمران خان کے لانگ مارچ کے سوال پران کا کہنا تھا کہ لانگ مارچ کامیاب ہوئی تو ٹھیک، اور اگر ناکام ہوگئی تو آپ مزید پیچھے چلے جائیں گے، پریشر سے آپ حکومت تبدیل یا ختم نہیں کرسکتے۔

Nawaz Sharif

imran khan

Aaj Rana Mubashir Kay Sath

Aijaz Ul Haq

Talk Show

politics Oct 15

Comments are closed on this story.

مقبول ترین