Aaj News

جمعہ, مارچ 29, 2024  
18 Ramadan 1445  
Live
politics 8 Oct 22

وفاقی وزیر داخلہ رانا ثناء اللہ پر توہین عدالت لگنے کا عندیہ

ورٹ کو بتائیں گے کہ اب وہ توہین عدالت لگائے یا جو بھی کرے، اینٹی کرپشن ٹیم
شائع 08 اکتوبر 2022 06:54pm
وفاقی وزیر داخلہ رانا ثناء اللہ۔ فوٹو — فائل
وفاقی وزیر داخلہ رانا ثناء اللہ۔ فوٹو — فائل

اسلام آباد: بلا ضمانت وارنٹ گرفتاری جاری ہونے کے بعد رانا ثناء اللہ پر توہین عدالت لگنے کی تلوار لٹک گئی۔

ایک بیان میں اینٹی کرپشن اسٹیبلشمنٹ ٹیم نے تھانہ سیکرٹریٹ سے روانہ ہوتے ہوئے کہا کہ ہم عدالت کے حکم پر یہاں آئے تھے، روز نامچے میں اپنی اسلام آباد آمد اور روانگی بھی درج کی ہے۔

اینٹی کرپشن ٹیم نے دعویٰ کیا کہ اسلام آباد پولیس ہمارے تعاون نہیں کر رہی، ہم نے تمام قانونی تقاضے پورے کئے ہیں لہٰذا کورٹ کو بتائیں گے کہ اب وہ توہین عدالت لگائے یا جو بھی کرے۔

دوسری جانب اسلام آباد پولیس کی جانب سے جاری کردہ بیان میں کہنا تھآ کہ وارنٹ کی تعمیل کے لئے اینٹی کرپشن ٹیم تھانہ آئی تو ان سے کاغذات وصول کئے جائیں گے۔

وفاقی پولیس نے کہا کہ اینٹی کرپشن اسٹیبلشمنٹ ٹیم سے درخواست کی جائے گی کہ وہ تعمیل کے لئے ریکارڈ مہیا کرے تاکہ قانون کے مطابق معاملے پر عمل کیا جا سکے۔

وفاقی وزیرداخلہ رانا ثنا کی گرفتاری سے متعلق ایس ایچ او تھانہ کوہسار وارنٹ گرفتاری کی تعمیل کرنے سے انکار کرچکے ہیں۔

ایس ایچ او کا کہنا تھا کہ عدالت سے جاری وارنٹ پرفیصل آباد کا ایڈریس موجود ہے اور رانا ثنا تھانہ کوہسار کی حدود میں رہائش پذیر نہیں اور نہ ہی ان کا کوئی دفتر تھانہ کوہسار میں ہے۔

اس سے قبل راولپنڈی کی عدالت نے وفاقی وزیرداخلہ راناثناء اللہ کے ناقابلِ ضمانت وارنٹ گرفتاری جاری کیے ہیں جبکہ اسپیشل جوڈیشل مجسٹریٹ راولپنڈی نے رانا ثناء اللہ کو گرفتارکرکے عدالت میں پیش کرنے کا حکم دیا ہے۔

پی ٹی آئی کے بانی رکن حامد زمان کا 2 روزہ جسمانی ریمانڈ منظور

ایف آئی اے نے حامد زمان کو گزشتہ روز گرفتار کیا تھا
اپ ڈیٹ 08 اکتوبر 2022 07:14pm
فوٹو/فائل
فوٹو/فائل

لاہور کی عدالت نے پاکستان تحریک انصاف (پی ٹی آئی) کے بانی رہنما حامد زمان کا 2 روزہ جسمانی ریمانڈ منظور کرلیا۔

وفاقی تحقیقاتی ایجنسی (ایف آئی اے) نے گزشتہ روز حامد زمان کو ممنوعہ فنڈنگ کیس میں لاہورسے گرفتار کیا تھا۔

ایف آئی اے کی جانب سے ملزم کے 14 روزہ جسمانی ریمانڈ کی استدعا کی گئی تھی جس پر عدالت نے کچھ دیر کی تاخیر کے بعد اس ضمن میں فیصلہ سنا دیا تھا۔

ایف آئی اے نے عدالت میں مؤقف اپنایا کہ الیکشن کمیشن کی جانب سے کیس کی انکوائری کی گئی ہے اور امریکا سے بینک اکاؤنٹس کو چلایا جا رہا ہے۔

مزید پڑھیں: ممنوعہ فنڈنگ کیس میں بانی رکن پی ٹی آئی حامد زمان کو گرفتار

ایف آئی اے نے کہا کہ تقریباً 6 کروڑ کی رقم پاکستان لائی گئی اورغیر قانونی طریقے سے بیرون ممالک سے پیسے منگوائے گئے۔

وکیل صفائی کا کہنا تھا کہ ایف آئی آر میں لگائے گئے الزامات بے بنیاد ہیں جب کہ ایف آئی اے نے تحقیقات کے لئے طلبی کا نوٹس نہیں بھیجا۔

جج نے وکیل سے استفسار کیا کہ ایف آئی اے کے سوالنامہ کا جواب ہے آپ کے پاس؟ جس پر وکیل حامد زمان نے کہا کہ تمام جوابات تحریری طور پر جمع کروا دیے ہیں۔

حامد زمان کے وکیل نے مزید کہا کہ 2013 میں آئے پیسوں کو 2018 میں کیسے فراڈ کہا جاٸے گا، ایف آئی اے نے پہلے تفتیش کے لیے بلایا ہم پیش ہوئے، ایف آئی اے تسلیم کررہا ہم نے 20 کو بلایا، آپ پیش ہوئے۔

رانا ثناء اللہ کے ناقابل ضمانت وارنٹ گرفتاری جاری، پولیس کا تعمیل کرنےسےانکار

رانا ثناء اللہ کو گرفتارکرکے عدالت میں پیش کرنے کا حکم
اپ ڈیٹ 08 اکتوبر 2022 03:29pm

وفاقی وزیرداخلہ رانا ثنا کی گرفتاری سے متعلق ایس ایچ او تھانہ کوہسار نے وارنٹ گرفتاری کی تعمیل کرنے سے انکار کردیا۔

ایس ایچ او کا کہنا ہے کہ عدالت سے جاری وارنٹ پرفیصل آباد کا ایڈریس موجود ہے اور رانا ثنا تھانہ کوہسار کی حدود میں رہائش پذیر نہیں اور نہ ہی ان کا کوئی دفتر تھانہ کوہسار میں ہے۔

اس سے قبل راولپنڈی کی عدالت نے وفاقی وزیرداخلہ راناثناء اللہ کے ناقابلِ ضمانت وارنٹ گرفتاری جاری کیے ہیں جبکہ اسپیشل جوڈیشل مجسٹریٹ راولپنڈی نے رانا ثناء اللہ کو گرفتارکرکے عدالت میں پیش کرنے کا حکم دیا ہے۔

پولیس ذرائع کا کہنا ہے کہ وہ مقامی پولیس کو اطلاع دینے کے بعد ہی ثناء اللہ کی گرفتاری کے لیے کارروائی کر سکتے ہیں۔

یہ وارنٹ جعلسازی اور دھوکہ دہی کے ساتھ ساتھ اُکسانے کے مختلف الزامات کے تحت جاری کیے گئے ہیں۔

رانا ثناء اللہ کے خلاف کیس میں تعزیرات پاکستان کی درج ذیل دفعات شامل کی گئیں۔

دفعہ 420 (دھوکہ دہی اور بےایمانی کے ساتھ جائیداد کی ترسیل) ، 467 (قیمتی سیکورٹی، وصیت وغیرہ کی جعلسازی) ، 468 (دھوکہ دہی کے مقصد سے جعلسازی) ، 471 (جعلی دستاویز کو حقیقی کے طور پر استعمال کرنا) اور 109 (اکسانے کی سزا ) شامل ہیں۔

ترجمان اینٹی کرپشن نے رانا ثناء کے بلا ضمانت وارںٹ گرفتاری جاری کیے جانے کی تصدیق کی ہے۔

وارنٹ مقدمہ نمبر20/19 میں اینٹی کرپشن پنجاب کی درخواست پرجاری کیے گئے، حکام کے مطابق رانا ثناء اینٹی کرپشن انکوائری میں شامل تفتیش نہیں ہوئے۔

اینٹی کرپشن نے دوست محمد مزاری کو طلب کر لیا

سرکاری زمینوں پرقابضین کیخلاف انکوائری جاری ہے
شائع 08 اکتوبر 2022 11:48am
تصویر: فیس بک
تصویر: فیس بک

اینٹی کرپشن پنجاب نے سرکاری زمینوں پر قبضے کے الزامات پر سابق ڈپٹی اسپیکر پنجاب اسمبلی دوست محمد مزاری کو طلب کیا ہے۔

ڈائریکٹوریٹ جنرل اینٹی کرپشن کی جانب سے جاری کردہ اعلامیہ کے مطابق سردار دوست محمد مزاری اور دیگر کو 11 اکتوبر کو لاہور ہیڈ کوارٹرز میں طلب کیا گیا ہے۔

دوست محمد مزاری کو ڈائریکٹر ویجیلینس ہیڈ کوارٹرز کے آفس میں 1 بجے دوپہر حاضر ہونے کا نوٹس جاری کیا ہے جبکہ اسسٹنٹ کمشنر روجھان، تحصیلدار اور حلقہ پٹواری کو بھی ریکارڈ سمیت طلب کیا گیا ہے۔

دوست محمد مزاری کے خلاف جعلی کاغذات کے زریعے سرکاری زمینوں پر قبضے کے الزامات ہیں، جس کی اینٹی کرپشن پنجاب سرکاری زمینوں پر قابضین کیس میں انکوائری کررہا ہے۔

عمران جواب دیں ایم این ایز خریدنے کیلئے پیسہ کہاں سے لیا، شہباز شریف

انتقامی کارروائیوں کا سامنا کیا لیکن کبھی این آراونہیں مانگا
اپ ڈیٹ 08 اکتوبر 2022 11:43am
فائل تصویر
فائل تصویر

وزیراعظم شہبازشریف کا کہنا ہے کہ ہمارے خاندانوں نے کئی بارانتقامی کارروائیوں کا سامنا کیا،عمران خان کے پاناما پروپیگنڈے کا احتساب ہونا چاہیے۔

وزیراعظم لاہور کی خصوصی عدالت میں شہباز شریف فیملی کیخلاف منی لانڈرنگ کیس میں پیش ہوئے ، سماعت کے بعد میڈیا سے گفتگو میں انہوں نے کہا کہ ہم عدالتوں اور قانون کا احترام کرتے ہیں، ہر کسی کو قانون کا احترام کرنا چاہیے۔

انہوں نے کہا کہ نوازشریف وزیراعظم ہوتےہوئے بھی عدالت میں پیش ہوتےرہے،نیب عدالت راولپنڈی نے انہیں متعدد بارطلب کیا۔ ہمارے خاندان نے انتقامی کارروائیوں کا سامنا کیا لیکن انہوں نے کبھی این آراو نہیں مانگا۔ ہم نے نیب کےعقوبت خانوں میں ظلم برداشت کیا۔

وزیراعظم نے سوال اٹھایا کہ عمران خان کی بہن علیمہ خان کودبئی اور امریکامیں اثاثے چھپانے پراین آراوکس نےدلوایا، فرح گوگی کوکچھ عرصےپہلےپنجاب حکومت نےکلین چٹ دی۔ بی آرٹی میں کئی سوارب روپےکی بےضابطگیاں ہوئیں اوراس کیس میں مختلف عدالتوں سےاسٹےآرڈرلیتےرہے۔

انہوں نے کہا کہ نوازشریف، مریم ،حمزہ اور ہم سب نے ظلم برداشت کیا لیکن کہا گیا کہ مریم نواز کو این آر اوملا ہے، اس سے زیادہ گھٹیا، قابل مذمت بات ہو نہیں سکتی۔ مریم نواز کو نیب کےاصل قانون اورمیرٹ پر بریت ملی۔ عمران نیازی اپنے دور میں دیے گئےاین آراو کا حساب دیں۔

شہباز شریف نے سابق ہم منصب کی لیک ہونے والی مبینہ آڈیوز کا حوالہ دیتے ہوئے کہا کہ ، ”عمران خان کاساراڈرامہ اورجھوٹ بےنقاب ہوچکا، آڈیومیں خودکہاکہ میں نے5بندےخرید لیے ہیں، آپ آڈیو میں کہہ رہے ہیں امریکا کا نام نہیں لینا بس کھیلتے جانا ہے-“

انہوں نے کہا کہ عمران خان نےجو5ووٹ خریدے ان کیلئے پیسہ کہاں سے آیا، اس سےبڑا ظلم کیا ہوسکتا ہےکہ وزیراعظم (اُس وقت کے ) نےمنڈی لگا رکھی ہے اور سب سے بڑی بات یہ ہے کہ آپ خود جرم تسلیم کر رہے ہیں، اتنےبڑےفتوے دیے اورخودضمیرخرید رہےہیں۔

انہوں نے تنقید کرتے ہوئے مزید کہا کہ کیاعمران نیازی کوکسی عدالت نے طلب کیا؟ آپ (عمران خان )دنیامیں سب سے زیادہ جھوٹ بولنے والے شخص ہیں۔ آپ کا ڈراما اور جھوٹ کھل چکاہے، آپ کہتےہیں پیپلزپارٹی اورن لیگ نےخدانخواستہ چھانگامانگالگایا۔ قوم آپ سے جاننا چاہتی ہےکہ کہاں ڈاکا مارکرضمیرفروشی پرلگایا۔

وزارت داخلہ کی الیکشن کمیشن سے ضمنی انتخابات ملتوی کرنے کی درخواست

ایک سیاسی جماعت 12 سے 17 اکتوبر کے دوران اسلام آباد کا محاصرہ کرنا چاہتی ہے
اپ ڈیٹ 08 اکتوبر 2022 09:02am
الیکشن کی ساکھ  پر سوال اٹھ سکتے ہیں۔ فوٹو — فائل
الیکشن کی ساکھ پر سوال اٹھ سکتے ہیں۔ فوٹو — فائل

اسلام آباد: وزارت داخلہ نے الیکشن کمیشن پاکستان (ای سی پی) سے ضمنی انتخابات ملتوی کرنے کی استدعا کردی۔

وزارت داخلہ کی جانب سے الیکشن کمیشن کو ارسال کیے گئے خط میں ضمنی انتخابات ملتوی کرنے کی درخواست کی گئی ہے۔

ذرائع کے مطابق خط میں کہا گیا ہے کہ پاک فوج اور ایف سی وسیع پیمانے پر ریسکیو اور ریلیف آپریشن میں مصروف ہیں، سیلاب زدہ علاقوں میں وبائی امراض اور دیگر مسائل درپیش ہیں۔

خط میں کہا کہ الیکشن کمیشن کو انتخابات کے شیڈول میں تبدیلی کرنے کا اختیار حاصل ہے، ایسی صورتحال میں آرمی، رینجرز اور ایف سی پر دباؤ ہوگا اور اگر ان اداروں سے اضافی کام لیا گیا تو الیکشن کی ساکھ پر سوال اٹھ سکتے ہیں۔

وزارت داخلہ نے ای سی پی سے درخواست کی کہ مستند اطلاعات یہ بھی ہیں کہ ایک سیاسی جماعت 12 سے 17 اکتوبر کے دوران اسلام آباد کا محاصرہ کرنا چاہتی ہے، لہٰذا 16 اکتوبر کو ہونے والے ضمنی انتخابات 90 روزکے لیے ملتوی کیے جائیں۔

اللہ کی لاٹھی بے آواز، سازشیں ہمیشہ کامیاب نہیں ہوتیں: مریم نواز

کہتا تھا ہارس ٹریڈنگ شرک ہے، لیکن بند کمروں میں خود ہارس ٹریڈنگ کرتا رہا
شائع 07 اکتوبر 2022 10:02pm
پوری دنیا ان کا سیاہ چہرہ دیکھ رہی ہے۔ فوٹو — اسکرین گریب
پوری دنیا ان کا سیاہ چہرہ دیکھ رہی ہے۔ فوٹو — اسکرین گریب

نائب صدر مسلم لیگ (ن) نے عمران خان کی مبینہ آڈیو لیک پر رد عمل دیتے ہوئے کہا کہ سازش تو یہ ہمیشہ سےکر رہا تھا مگر پہلی بار اس کی سازش ناکام ہوئی ہے۔

لندن میں میڈیا سے گفتگو کرتے ہوئے مریم نواز نے کہا کہ عمران خان کا گھناؤنا چہرہ لوگوں کے سامنے آگیا ہے، یہ جلسوں میں کہتا ہے لوٹوں کو ووٹ نہ دینا لیکن آڈیو میں کہہ رہا ہے 5 خرید لئے ہیں، 5 اور لے لاؤ۔

مریم نواز نے کہا کہ بیساکھیاں ہٹیں تو وہ کس طرح زمین پر آگیا ہے، البتہ سازش تو یہ ہمیشہ سےکر رہا تھا مگر پہلی مرتبہ اس کی سازش نا کام ہوئی، اس کی ہر بات جھوٹ نکلی ہے۔

لیگی رہنما نے کہا کہ عمران خان کی جو چیز اٹھائیں اس میں سے سازش نکلے گی، یہ لوگوں کو کہتا تھا ہارس ٹریڈنگ شرک ہے، لیکن یہ شخص بند کمروں میں خود ہارس ٹریڈنگ کرتا رہا۔

ان کا مزید کہنا تھا کہ آڈیو لیکس نے عمران خان کے بیانیئے کا تیا پانچہ کردیا ہے، اللہ کی لاٹھی بے آواز ہوتی ہے، سازشیں ہمیشہ کامیاب نہیں ہوتیں، اب پوری دنیا ان کا سیاہ چہرہ دیکھ رہی ہے۔

’آپ نے لوگوں کو اسپون فیڈ کرنا ہے‘، عمران خان کی ایک ہی روز میں دوسری آڈیو لیک

یہ جو اب کر رہے ہیں نا لیٹر والا، یہ ذرا ہفتہ دس دن پہلے شروع کر دینا چاہئے تھا، اسد عمر
شائع 07 اکتوبر 2022 07:53pm
عمران خان اور پی ٹی آئی رہنماؤں کی ایک اور آڈیو لیک سامنے آگئی۔ فوٹو — فائل
عمران خان اور پی ٹی آئی رہنماؤں کی ایک اور آڈیو لیک سامنے آگئی۔ فوٹو — فائل

عمران خان کی سفارتی سائفر سے متعلق بعنوان ”سائفر کی اصل کہانی“ کی تیسری مبینہ آڈیو لیک منظر عام پر آگئی۔

سوشل میڈیا پر وائرل ہونے والی آڈیو لیک میں مبینہ طور پر چیئرمین تحریک انصاف عمران خان، پارٹی جنرل سیکرٹری اسد عمر اور شیریں مزاری گفتگو کررہے ہیں۔

آڈیو لیک میں عمران خان نے مبینہ طور پر کہا کہ ’سائفر کا بہت بڑا اثر پوری دنیا میں چلا گیا ہے، حکمت عملی یہ ہے کہ عوام تو ہمارے ساتھ لگ چکی ہے، جو آج آپ نے برینڈ کرنا ہے نا میر جعفر اور میر صادق، آپ کو لوگوں کو سپون فیڈ کرنا ہے۔‘

یہ جو اب کر رہے ہیں نا لیٹر والا، یہ ذرا ہفتہ دس دن پہلے شروع کر دینا چاہئے تھا

اس موقع پر اسد عمر کو یہ کہتے ہوئے سُنا جا سکتا ہے کہ ’یہ جو اب کر رہے ہیں نا لیٹر والا، یہ ذرا ہفتہ دس دن پہلے شروع کر دینا چاہئے تھا۔‘

چائنیز نے آفیشنل اسٹیٹمنٹ جاری کیا ہے: شیریں مزاری

شیریں مزاری کا مبینہ طور پر کہنا تھا کہ ’اس معاملے پر چائنیز نے آفیشنل اسٹیٹمنٹ جاری کیا ہے، امریکا کی ہمارے اندرونی معاملات کی مذمت کرتے ہیں۔‘

آڈیو لیک میں عمران خان کا مزید کہنا تھا کہ ’اسٹریٹجی یہ ہے کہ پبلک ہمارے ساتھ بیٹھی ہے، اب پبلک کے پریشر سے ہم چاہتے ہیں اتوار کو ہائٹ پر پریشر ہو، کہ جو بھی جائے ناں وہاں اسمبلی میں ووٹ دینے کے لئے اس کے یعنی وہ برانڈڈ ہو فار لائف، آپ کو لوگوں کو سپون فیڈ کرنا ہے، مائنڈ آلریڈی فرٹائل گراؤنڈ بنی ہوئی ہے اس وقت کے آپ ان کو فیڈ کردیں گے۔‘

چند گھنٹوں قبل عمران خان کی ایک اور مبینہ آڈیو منظر عام پر آئی جس میں وہ نمبر گیم پورا کرنے کے لیے ارکان کی خرید و فروخت یعنی ہارس ٹریڈنگ سے متعلق بات کر رہے ہیں۔

یہ بھی پڑھیں: کئی چالیں چل رہا ہوں: عمران خان کی ایک اور مبینہ آڈیو لیک

غیرمصدقہ آڈیو میں عمران خان ہارس ٹریڈنگ سے متعلق گفتگو کرتے ہوئے کہہ رہے ہیں کہ،”آپ کوبڑی غلط فہمی ہو گئی ہے جناب کہ نمبر گیم پورے ہیں، یہ نمبر ایسا ہے نہیں۔“

بظاہر یہ آڈیوعمران خان کے خلاف اپوزیشن اتحاد کی تحریک عدم اعتماد پیش کیے جانے سے قبل کی ہے، جب دونوں جانب سے نمبر گیم پورا کرنے کے لئےایڑی چوٹی کا زور لگایا جا رہا تھا اور ارکان کو بھاری رقوم کے عوض حمایت لینے کی خبریں سرگرم تھیں۔

5 میں خرید رہا ہوں ناں، پانچ میرے پاس ہیں، وہ پانچ بہت اہم ہیں: عمران خان

سابق وزیراعظم کو مبینہ طور پریہ کہتے بھی سنا جاسکتا ہے کہ ’کئی چالیں چل رہا ہوں جو پبلک نہیں کرسکتے۔‘

آڈیومیں سُنا جاسکتا ہے کہ ، ”5 میں خرید رہا ہوں ناں، پانچ میرے پاس ہیں، وہ پانچ بہت اہم ہیں، اسے کہیں اگروہ 5 اورکردے نا تو10ہوجائیں گے،تو یہ گیم ہمارے ہاتھ میں ہے“۔

عمران خان کا مزید کہنا ہے کہ،”اس وقت قوم الارم ہے، لوگ چاہ رہے ہیں کسی طرح ہم جیت جائیں ۔ کوئی فکرنہ کرے، یہ غلط ہے یاٹھیک، کوئی بھی حربہ ہو،ایک ایم این اےبھی توڑدیتا ہے ناں توہمیں بڑافرق پڑے گا“۔

اس سے قبل بھی عمران خان کی 2 آڈیولیک ہوچکی ہیں، پارٹ ون اورٹو کے عنوان سے لیک کی جانے والی ان آڈیوزمیں چیئرمین پی ٹی آئی سائفرپرگفتگو کررہے ہیں۔

عمران خان کی عدالت پیشی کے موقع پرصحافیوں کے سوالات کے جواب میں وہ ان آڈیولیکس کو اپنے حق میں بہت اچھا قراردیتے ہوئے کہہ چکے ہیں کہ،“اب اورکھُل کرکھیلوں گا’۔

نوٹ: آج نیوز اس آڈیو کے مصدقہ ہونے کی تصدیق نہیں کرسکتا۔

عمران خان مخالف ریمارکس پر شہباز شریف کیخلاف قرارداد منظور

خان کو فراڈ قرار دینے والا خود سب سے بڑا فراڈ ہے: راجہ بشارت
شائع 07 اکتوبر 2022 07:02pm
وزیراعظم شہباز شریف۔ فوٹو — فائل
وزیراعظم شہباز شریف۔ فوٹو — فائل

چیئرمین پاکستان تحریک انصاف عمران خان مخالف ریمارکس دینے پر وزیراعظم شہباز شریف کے خلاف پنجاب اسمبلی نے قرار داد منظور کرلی۔

پنجاب اسمبلی کا اجلاس پینل آف دی چیئر میاں شفیع کی زیر صدارت ہوا جس میں وزیراعظم کے خلاف قرار داد صوبائی وزیر پارلیمانی امور راجہ بشارت نے پیش کی۔

قرار داد کے مطابق شہباز شریف نے وزارت عظمیٰ کے وقار کی دھجیاں اڑائیں، عمران خان کو فراڈ قرار دینے والا خود سب سے بڑا فراڈ ہے۔

قرار داد کے متین میں کہا گیا ہے کہ وزیراعظم خود پیشیاں بھگت رہا ہے جس کا پورا ٹبر جھوٹا ہے، یہ لوگ آج تک لندن فلیٹس سے متعلق مؤقف ایک نہ کر سکے۔

پنجاب اسمبلی کا اجلاس 10 اکتوبر کی دوپہر 2 بجے تک ملتوی کردیا گیا۔

سیف اللہ نیازی کی گرفتاری، رانا ثنا اللہ جھوٹ بول رہے ہیں یا ایف آئی اے؟ شہباز گل

اس حکومت نے واحیات حرکت کی ہے، شہباز گل
اپ ڈیٹ 07 اکتوبر 2022 08:55pm
رانا ثناء اللہ ڈرے ہوئے ہیں۔ فوٹو — اسکرین گریب/ آج نیوز
رانا ثناء اللہ ڈرے ہوئے ہیں۔ فوٹو — اسکرین گریب/ آج نیوز

پاکستان تحریک انصاف (پی ٹی آئی) کے رہنما شہباز گل کا کہنا ہے کہ وفاقی تحقیقاتی ایجنسی (ایف آئی اے) نے سیف اللہ نیازی کو حراست میں لینے کی تردید کی تو رانا ثناء اللہ نے اس کی تصدیق کی ہے۔

اسلام آباد میں پریس کانفرنس کرتے ہوئے شہباز گل نے کہا کہ سیف اللہ نیازی کی گرفتاری سے متعلق رانا ثناء اللہ جھوٹ بول رہے ہیں یا تو ایف آئی اے جھوٹ بول رہا ہے، جب کہ اس حکومت نے کافی واحیات حرکت کی ہے۔

شہباز گل نے کہا کہ عمران خان کی جو آڈیو لیک کی گئی وہ غلط جوڑی جا رہی ہے، اس وقت ارکان قومی اسمبلی کی مجموعی تعداد 84 جب کہ کابینہ کے ممبر کی تعداد 74 ہے۔

ان کا کہنا تھا کہ عمران خان ڈوبی ہوئی معیشت کو 6 فیصد پر لےگئے تھے، اسحاق ڈار کہہ رہے ہیں ڈالر کی اصل قیمت 200 روپے ہونی چاہئے، ہم کہتے ہیں ڈالر کی اصل قیمت 176 روپے ہونی چاہئے، آپ جعلی طریقے سے ڈالر کو 250 روپے پر لے کر گئے ہیں۔

انہوں نے مزید کہا کہ اس ملک میں جعلی لوٹ مار کے ذمہ دارآپ لوگ ہیں، مفتاح اسماعیل پر مقدمہ درج ہونا چاہئے۔

پی ٹی آئی رہنما کا کہنا تھا کہ رانا ثناء اللہ ڈرے ہوئے ہیں اوروہ ویڈیو بنا کرعوام کو بھی ڈرانا چاہتے ہیں۔

’عمران سائفر کے منٹس بدلنے اور ارکان اسمبلی خریدنے کا اعتراف کر چکا‘

شریف خاندان کے خلاف عمران خان نے اداروں کو استعمال کیا، مریم اورنگزیب
شائع 07 اکتوبر 2022 06:07pm

وفاقی وزیر اطلاعات و نشریات مریم اورنگزیب کا کہنا ہے کہ عمران خان مسلم لیگ ن کا نہیں بلکہ اس ملک کا بدترین دشمن ہے۔

اسلام آباد میں پریس کانفرنس کرتے ہوئے مریم اورنگزیب نے کہا کہ ملک کے اندر روز ایک شخص جھوٹ بولتا ہے، عمران خان چالیں چل کر لوگوں کو بے وقوف بناتا ہے، اس کا وطیرہ ہے اتنے جھوٹ بولو کہ سچ لگنے لگیں۔

انہوں نے کہا کہ عمران خان 4 سال ملکی معیشت اور خارجہ امور سے کھیلتا رہا، اس نے ایسا کھیل کھیلا کہ معاشرےکو بگاڑ کر رکھ دیا، عمران نے پاکستان کو عالمی سطح پر شدید نقصان پہنچایا۔

وفاقی وزیر کا کہنا تھا کہ عمران خان کی نئی آڈیو ایک اور تھپڑ ہے، اس کو ملک سے کوئی سروکار نہیں، بلکہ اس کو اپنی انا عزیز ہے اور اقتدار کی ہوس ہے۔

مریم اورنگزیب نے کہا کہ ہارس ٹریڈنگ کو شرک کہنے والے عمران خان کی اپنی آڈیو سامنے آ چکی ہے جس میں عمران ارکان اسمبلی کو خریدنے کی چال چل رہا ہے، باہر امریکا کی غلامی نا منظور، کمرے میں امریکا کا نام نہیں لینا۔

لیگی رہنما نے کہا کہ عمران خان نے وزارت عظمیٰ کے حلف سے غداری کی، وہ سائفر کے منٹس بدلنے اور ارکان اسمبلی کو خریدنے کا اعتراف کرچکے ہیں، انہوں نے خیرات کے پیسے سیاست میں لگائے ہیں۔

ان کا مزید کہنا تھا کہ نواز شریف پر ایک پیسے کی کرپشن ثابت نہیں کی جاسکی، شریف خاندان کے خلاف عمران خان نے اداروں کو استعمال کیا، اس کو دوسروں پر الزامات لگانے سے پہلےاپنے گریبان میں جھانکنے کی ضرورت ہے۔

پسند کا آرمی چیف لگانے والوں نے قیمت ادا کی، وزیر دفاع

نئے آرمی چیف کے لیے پانچ نام زیر غور آئیں گے، خواجہ آصف
شائع 07 اکتوبر 2022 04:53pm
Exclusive debate with Khawaja Asif - How long is the appointment of the Army Chief? | Faisla Aap Ka

وزیردفاع خواجہ آصف نے کہا ہے کہ ماضی میں پسند کا آرمی چیف لگانے والوں نے قیمت ادا کی کیونکہ آرمی چیف کی وفادی اپائنٹنگ اتھارٹی کے ساتھ نہیں ہے۔

خواجہ آصف نے یہ بات آج نیوز کے پروگرام ”فیصلہ آپ کا“ میں میزبان عاصمہ شیرازی سے گفتگو کرتے ہوئے کی۔

پروگرام کے دوران میزبان نے کہاکہ عمران خان غالباً اپنی مرضی کا آرمی چیف لگانا چاہتے تھے لیکن پی ڈی ایم نے ان کی حکومت ہٹا دی۔

وزیر دفاع نے کہا، ”اس ملک میں کتنے لوگوں نے آرمی چیف اپنی پسند کا لگایا ہے اور اپنی پسند کی انہوں نے کیا کیا قیمتیں ادا کی ہیں۔ تاریخ بتاتی ہے نا ہماری؟“

میزبان نے کہاکہ بالکل، بھٹو صاحب سے لے کر میاں نواز شریف تک۔۔۔

خواجہ آصف نے کہا، ”تاریخ بتاتی ہے۔ آپ کیوں نہیں سبق حاصل کرتے تاریخ سے۔ ان کی وفاداری اپائنٹنگ اتھارٹی کے ساتھ نہیں ہے۔ اپائٹنگ اتھارٹی نے صرف اپنا ایک فرض ادا کرنا ہے جو آئینی فرض ہے۔“

وزیر دفاع نے کہاکہ وزیراعظم یہ فرض صلاحیتوں اور ادارے کی سفارشات کو مدنظر رکھتے ہوئے ادا کریں گے۔

خواجہ آصف نے کہاکہ بطور وزیر دفاع اپنے پچھلے تجربات سے وہ جانتے ہیں کہ آرمی چیف کے تقرر کے لیے روایت کے مطابق پانچ ناموں پر غور کیا جاتا ہے جبکہ ایک برس تک کور کی سربراہی بھی روایت ہے۔

انہوں نے کہاکہ عمران خان کو اپنے ووٹرز اور عوام پر اعتماد نہیں اور وہ آرمی چیف کے تقرر کا اختیار بار بار اس لیے مانگ رہے ہیں کہ وہ سمجھتے ہیں یہ ان کے اقتدار کی ضمانت ہوگی۔

چار افراد نے میرے خلاف سازش تیار کی ہوئی ہے: عمران خان

پی ٹی آئی نے تازہ آڈیو لیک کو جعلی قرار دے دیا، انٹیلی جنس ایجنسیوں سے سوالات
اپ ڈیٹ 08 اکتوبر 2022 08:59am
فوٹو — اسکرین گریب/ آج نیوز
فوٹو — اسکرین گریب/ آج نیوز

پاکستان تحریک انصاف کے چیئرمین عمران خان کا کہنا ہے کہ چار افراد نے میرے خلاف سازش تیارکی ہوئی ہے، میں نے ایک ٹیپ بنا کر رکھی ہے جس میں ان چاروں کے نام بتائے ہیں۔

میانوالی میں جلسے سے خطاب کرتے ہوئے عمران خان نے جمعہ کو سامنے آنے والی آڈیو لیک کو فیک قرار دے دیا۔

تاہم ساتھ ہی عمران خان نے انٹیلی جنس اداروں سے سوال کیے اور کہاکہ وزیراعظم ہاؤس سے آڈیوز آنا تشویش کی بات ہے۔

جلسے سے خطاب میں عمران خان نے جیل بھرو تحریک شروع کرنے کا عندیہ دیا اور کہا کہ مجھے جیل میں ڈالنے سے نہ ڈراؤ، ابھی تومیں جیل بھرو تحریک شروع کرنے لگا ہوں۔

عمران خان نے چار افراد پر اپنے خلاف قتل کی سازش کا الزام عائد کرتے ہوئے کہا کہ انھوں نے مجھ پر توہین مذہب کا الزام لگایا۔

انہوں نے کہا کہ 4افراد نے میرے خلاف سازش تیار کی ہوئی ہے، میں نے ایک ٹیپ بنا کر رکھی ہوئی ہے، ٹیپ میں ان 4 لوگوں کے نام بتائے ہیں۔

مارچ کے حوالے سے عمران خان کا کہنا تھا شہباز شریف ،رانا ثناء سن لیں، آپ سے زیادہ تیاری کی ہے، اسلام آباد کی جانب مارچ پلان کا چھوٹا سا حصہ ہے، آپ کی ہر پلاننگ ناکام ہو جائے گی، آپ کو الیکشن کرانے پڑیں گے۔

عمران خان نے کہا کہ نواز شریف کو وطن آنے دو،ایسا استقبال ہوگا کہ یاد رکھیں گے۔

عمران خان نے کہا کہ کہا کہ ہمارا مقابلہ مافیاز سے ہے، مافیا لوگوں کے ضمیر خریدتے ، ڈراتے دھمکاتے ہیں، سب کوحقیقی آزادی کے جہاد کے لئے تیارکررہا ہوں۔

انہوں نے مزید کہا کہ اسلام آباد صرف میانوالی کےعوام سے بھر جائےگا، کلمہ ہمیں غلامی سے نجات دلاتا ہے، غلام صرف اچھے غلام بن سکتےہیں۔

ان کا کہنا تھا کہ غلام کسی قوم کی امامت نہیں کرسکتے، غلام کی پروازاقبال کے شاہین کی طرح نہیں ہوسکتی، آزادی ملتی نہیں ، چھینی جاتی ہے۔

پی ٹی آئی چیئرمین کا کہنا تھا کہ ہمارے دورمیں پیٹرول 150روپے لیٹر تھا، آج پیٹرول اور ڈیزل 250 روپے لیٹرہوگیا ہے۔

انہوں نے کہا کہ ہمارے دورمیں بجلی 16روپےفی یونٹ تھی، آٹا55 روپے کلو تھا،اب 100روپے کلو سے اوپرہے، یہ صرف اپنے کرپشن کے کیسز ختم کرنے میں مصروف ہیں۔

لانگ مارچ کا حربہ ہر قیمت پر ناکام بنائیں گے: وزیر داخلہ

سیف اللہ نیازی کو پوچھ گچھ کیلئے حراست میں لیا ہے: رانا ثناء اللہ
اپ ڈیٹ 07 اکتوبر 2022 05:21pm
فوٹو — فائل
فوٹو — فائل

وفاقی وزیر داخلہ رانا ثناء اللہ کا کہنا ہے کہ ہم ہر قیمت پرلانگ مارچ کا حربہ ہر صورت نا کام بنائیں گے، دھرنے کا اعلان کرنے کے بعد ان کے پاس کوئی راستہ نہیں ہوگا، یہ اسلام آباد آسکیں گے نہ ہی واپس جا سکیں گے۔

اسلام آباد میں نیوز کانفرنس کرتے ہوئے رانا ثناء اللہ نے کہا کہ ثابت ہوگیا کہ عمران خان قوم کے ساتھ کھیل کھیل رہے تھے، وہ نوجوانوں سے حلف لیتے پھر رہے ہیں، عمران کونسی حقیقی آزادی کی بات کرتے ہیں۔

انہوں نے کہا کہ عمران خان کی ملک اور قوم کے لئے کوئی قربانی نہیں ہے، اب قوم کو اس فتنے کا ادراک ہوجانا چاہیے۔

انہوں نے مزید کہا کہ عمران خان نوجوانوں کو گمراہ کر رہے ہیں،یہ بڑے جھوٹے اور فراڈ ہیں، فتنہ بے نقاب ہو رہا ہے، قوم کو اس کی شناخت کرنی چاہیے، عمران خان کہتے تھے کہ ہارس ٹریڈنگ شرک ہے، ضمیرفروشی کرنے والوں کے بچوں سے شادی نہ کرو، اب کہتے ہیں کہ 5 ایم این اے میں خرید رہا ہوں۔

رانا ثناء اللہ کا کہنا تھا کہ عمران خان اقتدار میں آنے کے لئے کچھ بھی کر سکتے ہیں، جتھہ کلچر کامیاب ہوجائے تو پارلیمنٹ کی کیا ضرورت، ایک جتھے کو اجازت دے دی گئی تو روز جتھے آئیں گے۔

ان کا کہنا تھا کہ سیف اللہ نیازی کوپوچھ گچھ کیلئےحراست میں لیاہے، ضرورت پڑی توسیف اللہ نیازی کو گرفتار کرلیں گے۔

دوسری وفاقی تحقیقاتی ایجنسی (ایف آئی اے) کی جانب سے سیف اللہ نیازی کو گرفتار کرنے کی تردید کی گئی ہے۔