گزشتہ دنوں ایشیا کپ کے سُپرفورمرحلے میں پاک بھارت میچ کے دوران نسیم شاہ کے ساتھ انسٹااسٹوریزمیں ایڈیٹڈ ویڈیوشیئرکرنے والی بالی ووڈ اداکارہ اروشی روٹیلا نے بھارتی کرکٹررشبھ پانٹ سے ہاتھ جوڑکرمعافی مانگ لی۔

نسیم شاہ کے ساتھ ویڈیوشیئرکرنےکے بعد سے اروشی کا نام سوشل میڈیاپرٹاپ ٹرینڈزمیں شامل تھا، اس دوران پرستاروں کی جانب سے یہ بھی کہا گیا کہ دبئی میں میچ دیکھنےکے لیے جانے والی اروشی تو بھارتی کرکٹر رشبھ پانٹ کے ساتھ ڈیٹنگ کررہی ہیں تواب نسیم شاہ کو اہمیت دینے کا مقصد، تاہم پاکستانی کرکٹرنے یہ کہہ کرکہ ، “ میں نہیں جانتا اروشی کون ہے“ معاملہ ہی ختم کردیا تھا۔

“I don't know who is @UrvashiRautela” 🗣 Pakistan pacer Naseem Shah on Viral Video of Him and Bollywood star #UrvashiRautela.#AsiaCup2022 #Pakistan #NaseemShah pic.twitter.com/KYZVDxlMRJ

— The Cricketer (@TheCricketerWeb) September 10, 2022

اس دوران اروشی اوررشبھ کے درمیان سوشل میڈیا پر لفظی جنگ بھی جاری رہی۔

اس گھمبیرمعاملے کا آغاز اروشی کی جانب سے ہوا تھا، اداکارہ نے ایک انٹرویو میں دعویٰ کیا تھا کہ ’ آر پی’ نام کے ایک شخص نے ان سے ملاقات کیلئے ہوٹل کی لابی میں کئی گھنٹے انتطار کیا مگروہ جاکرسوگئیں اور اٹھ کردیکھا تو موبائل فون پر16 مسڈ کالز آئی ہوئی تھیں۔

اروشی کےمطابق انہیں اپنی جانب سے ایسا کرنا بُرابھی لگا اس لیے ’آر پی“ کوکہا کہ جب تم ممبئی آؤ گےتو ہم ملاقات کریں گے اور ہم نے بعد میں ممبئی میں ملاقات کی۔

رشبھ پانٹ کی جانب سے کڑی تنقید کرتے ہوئے انسٹااسٹوریزمیں لکھا گیاتھا، “ لوگ خبروں میں رہنے اورسستی شہرت کے حصول کیلئے کیسے انٹرویوز میں جھوٹ بولتے ہیں، میرا پیچھا چھوڑدوبہن “۔

رشبھ پانٹ نے اداکارہ کو سوشل میڈیا پربھی بلاک کردیا تھا۔

اس کرارے جواب پراداکارہ نے بھی کسی قسم کی رعایت نہ برتتے ہوئےنام لیے بغیر لکھا تھا، “چھوٹے بھائی آپکوکرکٹ کھیلناچاہیے،میں کوئی مُنی نہیں جو ڈارلنگ تیرے لیے بدنام ہوجاؤں گی”۔

Chotu bhaiyaa should play bat ball 🏏. Main koyi munni nahi hoon badnam hone with young kiddo darling tere liyee
#Rakshabandhan Mubarak ho #RPChotuBhaiyya #Cougarhunter #donttakeadvantageofasilentgirl #love #UrvashiRautela #UR1 pic.twitter.com/AA3APRFViY

— URVASHI RAUTELA🇮🇳 (@UrvashiRautela) August 11, 2022

لیکن اس تمام جنگ کے بعد حیرت انگیزطورپراروشی نے رشبھ پانٹ سے ہاتھ جوڑ کر معافی مانگ لی ہے۔

وائرل ویڈیو میں دیکھا جاسکتا ہے کہ صحافی نے اروشی سے رشبھ پانٹ سے متعلق سوال کرتےہوئے کوئی پیغام دینے کو کہاتوجواب میں وہ قدرے کنفیوژن کاشکار نظرآئیں ، اورپھرہاتھ جوڑتے ہوئے کہا، “میں یہ کہنا چاہوں گی کہ کچھ نہیں، سوری ۔۔۔ آئی ایم سوری’۔

Urvashi Rautela said, "all I want to say is sorry to Rishabh Pant".#UrvashiRautela #RishabhPant pic.twitter.com/lMzJcWIpWS

— ⭐👑 (@superking1815) September 13, 2022

اس سے قبل اروشی نے سوشل میڈیا صارفین کی جانب سے اپنے اورنسیم شاہ سے متعلق میمزبنانے والوں کو کھلاڑی کانام لیے بغیرایسا کرنے سے منع کرچکی ہیں۔۔

اروشی نے اپنی ایڈیٹڈ پوسٹ کی وضاحت دیتے ہوئے لکھا تھا کہ، 2 روز قبل میری ٹیم نے مداحوں کی ایڈٹ کردہ کچھ دلچسپ میمزشیئر کیں جن کے بارے میں علم نہیں تھا کہ ان میں کون کون شامل ہے، میڈیا سے درخواست ہے کہ اس حوالے سے کوئی بھی خبربنانے سے گریزکریں۔

آج پھرانہوں نے صحافیوں کےسوالات کے جواب میں نسیم شاہ کے لیے ویڈیو لگائے جانے کی پھرسے وضاحت کی ۔