Aaj News

عوام سازشی اور چور کے بارے میں مکمل طور باشعور ہوچکے: مریم اورنگزیب

قوم کے شعور نے عمران خان کو پارلیمنٹ سے اُٹھاکر باہر پھینکا ہے۔
شائع 02 ستمبر 2022 09:39pm
<p>مریم اورنگزیب (فوٹو:فائل)</p>

مریم اورنگزیب (فوٹو:فائل)

وزیر اطلاعات مریم اورنگزیب کا کہنا ہے کہ عمران خان آپ کوعوام کا سوچنے کیلئے اپنے میں سے آزاد ہونا ہوگا، عوام سازشی اور چورکے بارے میں مکمل طور باشعور ہوچکے ہیں۔

اپنے بیان میں مریم اورنگزیب نے کہا کہ قوم کے شعور نے آپ کو پارلیمنٹ سے اُٹھاکر باہر پھینکا ہے، عمران خان کی کرپٹ اور جھوٹی حکومت ختم ہوگئی۔

انہوں نے مزید کہا کہ عمران خان آئی ایم ایف سے معاہدہ نہ کرتے تو آج مہنگائی نہ ہوتی، عمران خان 4 سال معیشت تباہ نہ کرتے تو مہنگائی نہ ہوتی۔

ان کا کہنا تھا کہ عمران خان تاریخی قرض نہ لیتے تو آج بیروزگاری بھی نہ ہوتی۔

PMLN

Information Minister

Maryam Aurangzeb

Comments are closed on this story.

مقبول ترین