لاہور ہائیکورٹ راولپنڈی بینچ نے الیکشن کمیشن کو پاکستان تحریک انصاف (پی ٹی آئی ) کے رہنما فواد چوہدری کے خلاف کارروائی سے روک دیا ۔

لاہور ہائیکورٹ راولپنڈی میں الیکشن کمیشن کی طرف سے توہین کمیشن کے نوٹس کے خلاف فواد چوہدری کی درخواست پر سماعت ہوئی۔

درخواست میں فیصل فرید ایڈووکیٹ نے مؤقف اپنایا کہ آئین کے مطابق الیکشن کمیشن عدالت نہیں ہے، توہینِ عدالت کا اختیار صرف اعلیٰ عدالتوں کو حاصل ہے،آئین میں دیے گئے مخصوص اختیارات عام قانون سازی کے تحت دوسرے اداروں کو تفویض نہیں کئے جا سکتے۔

عدالت نے فواد چوہدری کی درخواست پرالیکشن کمیشن کو 7 ستمبر کو نوٹس جاری کرتے ہوئے حتمی حکم جاری کرنے سے روک دیا۔