Aaj News

جمعہ, مارچ 29, 2024  
18 Ramadan 1445  

تمام جماعتوں کے فنڈنگ کیس کا فیصلہ ایک ساتھ سنانے کا مطالبہ

' الیکشن کمیشن کی حکمران اتحاد کے لوگوں سے ملاقات ہوئی، جس میں پی ٹی آئی فنڈنگ کیس سے متعلق بحث کی گئی '
شائع 30 جولائ 2022 04:10pm
فائل فوٹو
فائل فوٹو

پاکستان تحریک انصاف (پی ٹی آئی) کے رہنما فواد چوہدری نے تمام جماعتوں کے فنڈنگ کیس کا فیصلہ ایک ساتھ سنانے کا مطالبہ کردیا۔

فواد چوہدری نے کہا کہ الیکشن کمیشن ن لیگ، پیپلزپارٹی اور پی ٹی آئی کے کیسز کا فیصلہ ایک ساتھ سنائے۔

پی ٹی آئی رہنما کا کہنا تھا کہ الیکشن کمیشن کی حکمران اتحاد کے لوگوں سے ملاقات ہوئی، جس میں میں پی ٹی آئی فنڈنگ کیس سے متعلق بحث کی گئی۔

انہوں نے کہا کہ چیف الیکشن کمشنر اعلیٰ عدالتوں کے ججز کے مطابق تنخواہ لیتا ہے، چیف الیکشن کمشنر اور ممبران پر ججز والا کوڈ آف کنڈکٹ لاگو ہوتا ہے۔

انہوں نے الزام عائد کیا کہ الیکشن کمشنر کوڈ آف کنڈکٹ کی خلاف ورزی کے مرتکب ہوئے ہیں۔

فواد چوہدری کا مزید کہنا تھا کہ ملک کے بحران کی بڑی وجہ عام انتخابات کا نہ ہونا ہے، انتخابات کرانا الیکشن کمیشن کی آئینی ذمہ داری تھی۔

رہنما تحریمک انصاف نے کہا کہ ایک اور لوٹا انجام کو پہنچ گیا ہے، سیاسی وفاداریاں تبدیل کرنے والوں کا کوئی مستقبل نہیں، ووٹرز کو دھوکا دینے والوں کا سیاسی مستقبل ختم ہے۔

انہوں نے کہا کہ سپریم کورٹ کے فیصلے سے سیاسی پارٹیوں میں جمہوریت آئے گی، سپریم کورٹ کے فیصلے کے مطابق پارلیمانی پارٹی طاقت ور ہے۔

PMLN

PPP

pti foreign funding case

Fawad Chaudhary

JUI-F

Comments are closed on this story.

تبصرے

تبولا

Taboola ads will show in this div