اسلام آباد: وفاقی وزیر منصوبہ بندی احسن اقبال نے کہا ہے کہ جس قانون کا اطلاق ن لیگ پرہوتا ہے وہ پی ٹی آئی پر نہیں ہوتا، ہمیں بلاوجہ ای سی ایل میں ڈالاجاتاہے۔

اسلام آباد میں پریس کانفرنس کرتے ہوئے وفاقی وزیر احسن اقبال نے کہا کہ ہم جائزبات کریں توہتک عزت کامقدمہ بن جاتاہے، عمران خان توہین عدالت کریں تونوٹس نہیں ہوتا، فل کورٹ سماعت سے کوئی سیاسی تنازع نہیں ہوگا، سب کامطالبہ ہےکہ فل کورٹ سماعت کرے ۔

انہوں نے مزید کہا کہ عثمان بزدارسےکوئی پوچھنےوالا نہیں ہے، ہم عدلیہ کا وقار بچاناچاہتے ہیں، عمران خان عدلیہ کے وقار کو ملیہ میٹ کرنا چاہتے ہیں۔

ان کا کہنا تھا کہ ملکی معیشت کونازک صورتحال سےنکال رہے ہیں۔