Aaj News

جمعرات, مارچ 28, 2024  
17 Ramadan 1445  

حکومت کا پیٹرولیم مصنوعات کی قیمتوں میں کمی کرنے کا اعلان متوقع

مفتاح اسماعیل نے کہا کہ حکومت 15 جولائی کا انتظار نہیں کرے گی اور آج (14 جولائی) تیل کی قیمتوں میں کمی کرے گی
اپ ڈیٹ 14 جولائ 2022 05:27pm
اوگرا نے اپنی سمری میں پیٹرول کی قیمت میں 18 روپے فی لیٹر اور ڈیزل کی قیمت میں 20 روپے سے زائد کمی کی سفارش کی ہے: فوٹو(فائل)
اوگرا نے اپنی سمری میں پیٹرول کی قیمت میں 18 روپے فی لیٹر اور ڈیزل کی قیمت میں 20 روپے سے زائد کمی کی سفارش کی ہے: فوٹو(فائل)

وزیر خزانہ مفتاح اسماعیل نے کہا ہے کہ حکومت آج رات سے ملک میں پیٹرول کی قیمتوں میں کمی کرے گی۔

وزیر اعظم شہباز شریف کو اوگرا کی جانب سے کمی کی سفارش کی گئی ہے۔

اس حوالے سے وزیر خزانہ مفتاح اسماعیل نے کہا کہ آئی ایم ایف کو حکومت کے اس اقدام پر کوئی اعتراض نہیں ہے۔

حکومت کا یہ اعلان اس دن سامنے آیا ہے جب آئی ایم ایف نے کہا کہ اس نے مشترکہ ساتویں کے اختتام کے لیے پاکستان کے ساتھ عملے کی سطح کا معاہدہ کیا ہے۔

مفتاح اسماعیل نے کہا کہ حکومت 15 جولائی کا انتظار نہیں کرے گی اور آج (14 جولائی) تیل کی قیمتوں میں کمی کرے گی۔

انہوں نے مزید کہا کہ وزیراعظم شہباز شریف پاکستانی عوام کیلئے فوری ریلیف کا اعلان کرنا چاہتے ہیں، عوام نے مشکل وقت میں حکومت کے ساتھ کھڑے ہو کر مہنگائی کا بوجھ اٹھایا اور اب ہم ریلیف دینا چاہتے ہیں۔

اوگرا نے اپنی سمری میں پیٹرول کی قیمت میں 18 روپے فی لیٹر اور ڈیزل کی قیمت میں 20 روپے سے زائد کمی کی سفارش کی ہے۔

پیٹرولیم مصنوعات کی قیمتوں میں کمی کا فیصلہ اس وقت کیا گیا جب بین الاقوامی سطح پر تیل کی قیمتوں میں گزشتہ چند دنوں سے نمایاں کمی ہوئی ہے۔

OGRA

Federal govt

Petroleum products

Miftah Ismail

Petrol Diesel Price

Comments are closed on this story.

تبصرے

تبولا

Taboola ads will show in this div