لاہور: اسپیکر پنجاب اسمبلی چودھری پرویزالٰہی نے کہا ہے کہ “تجربہ کاروں” کی نالائقیاں ملک کی معیشت کو تباہی کے دہانے پر لے آئی ہیں۔

گجرات میں نمازعید کے بعد میڈیا سے گفتگو کرتے ہوئے چودھری پرویز الٰہی نے کہا کہ ضمنی انتخابات کے ہر حلقے کا سروے لوٹوں کے خلاف ہے۔

انہوں نے کہا کہ شریفوں کے قوم کو غلام بنانے کے خواب ضمنی انتخابات میں چکنا چور ہوجائیں گے۔

انہوں نے مزید کہا کہ شریف برادران نے کبھی عدالتوں کے فیصلوں کا احترام نہیں کیا۔

ان کا کہنا تھا کہ سپریم کورٹ حکومت کی جانب سے ضمنی انتخابات والے حلقوں میں ضابطہ اخلاق کی کھلم کھلا خلاف ورزی کا نوٹس لے۔