Aaj News

جمعہ, مارچ 29, 2024  
19 Ramadan 1445  

نوری ٹاپ پر پانچ فٹ برفباری، 500 مویشی برف تلے دب گئے

سیاحتی مقام نوری ٹاپ سے چند کلو میٹر آگے کھبہ ناڑ کے مقام پر پانچ فٹ برفباری ہوئی جس کے باعث 500 سے زائد بھیڑ بکریاں برف تلے دب گئیں
شائع 23 جون 2022 07:46pm
500 سے زائد بھیڑ بکریاں برف تلے دب گئیں۔ فوٹو — سوشل میڈیا
500 سے زائد بھیڑ بکریاں برف تلے دب گئیں۔ فوٹو — سوشل میڈیا
Noori top par 5 fit ki barafbari 500 maweshi baraf kay nichay dab gaye | Aaj Updates

سیاحتی مقام نوری ٹاپ کھبہ ناڑ ماہلی پر پانچ فٹ تک برفباری کے بعد پانچ سو مویشی برف میں پھنس گئے ہیں۔

حالیہ بارش اور برفباری کے باعث سیاحتی مقام نوری ٹاپ سے چند کلو میٹر آگے کھبہ ناڑ کے مقام پر پانچ فٹ برفباری ہوئی جس کے باعث 500 سے زائد بھیڑ بکریاں برف تلے دب گئیں جب کہ 6 افراد بھی محصور ہوگئے ہیں۔

اس سلسلہ میں پھنسے افراد کے ساتھیوں نے بتایا کہ وہ برف سے نکل آئے تاہم گلیشئیر آنے کے باعث ان کے دیگر ساتھی وہاں پر پھنسے ہوئے ہیں، جن کا تعلق بالاکوٹ کے گاوں شوہال کمی خانگیری سے ہے۔

انھوں نے مزید بتایا کہ یہ ایریا مظفرآباد حکومت کے زمرے میں آتا، انتظامیہ سے درخواست ہے کہ وہ ریسکیو کرنے میں مدد فراہم کرے۔

دوسری جانب ڈی سی مانسہرہ عدنان خان کے مطابق برف باری کی وجہ سے نوری ٹاپ پر پھنسے چرواہوں اور جانوروں کو ریسکیو کرنے کے لئے ٹیمیں روانہ کردی گئی ہیں۔

azad kashmir

snowfall

livestock

Comments are closed on this story.

تبصرے

تبولا

Taboola ads will show in this div