Aaj News

جمعہ, مارچ 29, 2024  
19 Ramadan 1445  

بوسٹر شاٹس حاصل کرنے میں سستی نہ کریں، ڈاکٹر فیصل سلطان

اسلام آباد: وزیر اعظم کے معاون خصوصی برائے صحت ڈاکٹر فیصل سلطان...
شائع 01 فروری 2022 04:20pm
Photo: FILE
Photo: FILE

اسلام آباد: وزیر اعظم کے معاون خصوصی برائے صحت ڈاکٹر فیصل سلطان نے کہا ہے کہ عوام فوری طور پر بوسٹر شاٹ لگوائیں کیونکہ ملک میں اومیکرون کیسز کے پیش نظر صورتحال کا سامنہ ہے۔

انہوں نے شہریوں پر زور دیا کہ اگر انہیں ویکسین لگوائے 6 ماہ کا عرصہ ہوچکا ہے تو وہ اپنے کورونا بوسٹر شاٹس حاصل کریں۔

این سی او سی اجلاس سے خطاب کرتے ہوئے ڈاکٹر فیصل سلطان نے کہا کہ سائنسی اعداد و شمار سے پتہ چلتا ہے کہ لوگوں کو کورونا کے خلاف حفاظت کے لیے مکمل طور پر ویکسین کے باوجود بوسٹر ویکسین کی اضافی خوراک کی ضرورت ہوتی ہے۔

انہوں نے کہا کہ پہلے این سی او سی صرف لوگوں سے بوسٹر خوراک لینے کے لیے کہہ رہا تھا، لیکن اب وہ سائنسی شواہد کی بنیاد پر دوبارہ اس کی سفارش کر رہا ہے۔

ان کا کہنا تھا کہ بوسٹر شاٹس مفت میں دی جا رہی ہے لہذا لوگوں کو اس سے زیادہ سے زیادہ فائدہ اٹھانا چاہیے۔

ڈاکٹر سلطان نے کہا کہ "بوسٹر شاٹ حاصل کرنے کا سب سے بڑا فائدہ یہ ہوگا کہ ہم اومیکرون کے مختلف قسم سے محفوظ رہ سکتے ہیں۔

انہوں نے کہا کہ جس نے بھی ابھی تک اپنی لاپرواہی یا سستی کی وجہ سے ویکسین نہیں کرائی ان کے پاس اب بھی ویکسین کروانے کا موقع ہے۔

پاکستان

Dr Faisal Sultan

COVID19

Booster Dose

Comments are closed on this story.

تبصرے

تبولا

Taboola ads will show in this div