خیرپور کے کچے کے علاقے فیض محمد بنڈو کے قریب مسلح افراد کی فائرنگ اور جوابی فائرنگ میں 5 افراد قتل ہوگئے، ایک زخمی مارے جانے والوں میں ناریجا برادری کے 3 اور منگنیجا برادری کے دو افراد شامل ہیں علاقے میں بھاری پولیس فورس مقرر کردی۔

تفصیلات کے مطابق خیرپور کے کچے کے علاقے فیض محمد بنڈو کے قریب برادری جتوئی تھانے کی حدود میں منگنیجا اور ناریجا برادریوں کے دو گروپوں میں فائرنگ ہوئی جس کے نتیجے میں 5 افراد مارے گئے۔

مارے جانے والوں میں 3 افراد نذیر احمد ناریجو ممتاز ناریجو اور عمر ناریجو کا تعلق ناریجا برادری سے 2 افراد احمد علی اور کلیم اللہ کا تعلق منگنیجا برادری سے ہے جبکہ ایک زخمی کا تعلق منگنیجا برادری سے ہے۔

پولیس ذرائع کے مطابق واقعہ پانی کی موٹر کی چوری پر ہوا جس کے نتیجے میں 5 افراد موت کی گھات اتر گئے۔

واقعے پر علاقے میں بڑا خوف و حراس پھیل گیا تاہم مزید ردعمل کو روکنے کے لیے علاقے میں بھاری پولیس فورس مقرر کردی گئی ہے۔

مقتولین کی لاشیں اور ایک زخمی کو اسپتال کنگری منتقل کیا گیا واضح رہے کہ 4 روز قبل فیض محمد بنڈو کے ہی علاقے میں ناریجا اور اڈھا قبائل میں خون ریز تصادم میں اڈھابرادری کے تین افراد مارے گئے تھے۔

کچے کے علاقے میں اس طرح کے خونی واقعات کے نتیجے میں علاقے کے اسکول اور اسپتالیں کافی عرصے سے بند ہیں جبکہ کچے کے متعدد علاقے نوگو ایریاز بنے ہوئے ہیں۔