فیصل آباد میں کچرا چننے والی خواتین پر مبینہ طور پر چوری کا الزام لگا کر برہنہ کرکے تشدد کا نشانہ بنایا گیا۔

تفصیلات کے مطابق فیصل آباد کے ملت ٹاؤن کے بازار میں واقع عثمان اسٹورپرکچرا چننے والی خواتین پانی پینے کی غرض سے اندر گئیں، تو وہاں موجود ملازم نے شور مچانا شروع کردیا جس پر لوگوں نے برہنہ کرکے تشدد کا نشانہ بنایا۔

سوشل میڈیا پروائرل وڈیو میں دیکھا جاسکتاہے کہ مشتعل ہجوم خواتین پرتشدد کررہا ہے اور لوگ تماشہ دیکھتے رہے۔

ویڈیو وائرل ہونے پر پولیس نے پانچ افراد کوحراست میں لے لیا ہے اور دیگر افراد کی گرفتاری کے لیے چھاپے مارے جارہے ہیں۔

پولیس نے واقعے کی ایف آئی آر درج کرلی، ایف آئی آر کے مطابق خاتون نے پولیس کو بتایا کہ ملزمان ایک گھنٹے تک ان کو مارتے پیٹتے رہے اور برہنہ کرکے انکی وڈیو بھی بنائی۔

اس حوالے سے خاتون نے مزید بتایا کہ ہمیں برہنہ کرکے بازار میں گھسیٹ کر ذدوکوب کرکے سخت زیادتی کی گئی اور وہ ان کی منت سماجت کرتی رہیں کہ وہ ان کی ہماری جان بخش دیں۔

واقعے پر سینئر صحافی رؤف کلاسرا بھی بول پڑے۔ انہوں نے کہا کہ" فیصل آباد خواتین ساتھ ہونے والے سلوک کو دیکھ کر دل دہل گیا ہے.

انہوں نے کہا کہ ایسے سفاک درندے ہمارے معاشرے میں کہاں سے آئے جنہیں خدا کا تو خوف چھوڑیں پولیس اور قانون کا بھی نہیں"۔