Aaj News

جمعہ, مارچ 29, 2024  
18 Ramadan 1445  

آصف زرداری کے خلاف 25 سال پرانے کیس، نیب اپیلیں سماعت کے لیے مقرر

سابق صدر اور پیپلزپارٹی کے شریک چیئرمین آصف علی زرداری کے خلاف 25...
شائع 13 نومبر 2021 11:02am
فائل فوٹو
فائل فوٹو

سابق صدر اور پیپلزپارٹی کے شریک چیئرمین آصف علی زرداری کے خلاف 25 سال پرانے کیس میں نیب اپیلیں اسلام آباد ہائی کورٹ میں سماعت کے لیے مقرر کرلی گئیں۔

سابق صدر کے خلاف اُرسز ٹریکٹر اور اے آروائی گولڈ ریفرنسز میں نیب اپیلیں اسلام آباد ہائی کورٹ نے پیر کے روز سماعت کے لیے مقرر کی ہیں۔ اپیلوں پر سماعت چیف جسٹس اطہر من اللہ اور جسٹس عامر فاروق پر مشتمل بنچ کرے گا۔

آصف زرداری پر اے آر وائی گولڈ ریفرنس میں 10 ملین ڈالر رشوت کا الزام تھا، آرسز ٹریکٹر ریفرنس میں ٹریکٹر اسکیم میں ان پر کرپشن کا الزام تھا، احتساب عدالت نے سابق صدر کو دونوں مقدمات میں بری کیا تھا، نیب نے آصف زرداری کی بریت کو چیلنج کر رکھا ہے۔

نیب نے 2014ء میں آصف زرداری کی بریت کو چیلنج کیا، اور آج تک سابق صدر کو نوٹس نہ ہوسکا، گزشتہ سماعت پر نیب نے نئے پراسیکیوٹر کی تعیناتی تک سماعت ملتوی کرنے کی استدعا کی تھی۔

NAB

Asif Ali Zardari

Comments are closed on this story.

تبصرے

تبولا

Taboola ads will show in this div