Aaj News

جمعہ, مارچ 29, 2024  
18 Ramadan 1445  

ایم کیو ایم نے بجٹ میں عوام کو ریلیف فراہم کرنے سے متعلق اپنی تجاویز پیش کردیں

ہمیں اپنے ٹیکس کے نظام کو مزید بہتر کرنے کی ضرورت ہے، فاروق ستار
شائع 07 جون 2023 10:05pm
فوٹو۔۔۔۔۔۔۔ فائل
فوٹو۔۔۔۔۔۔۔ فائل

متحدہ قومی موومنٹ (ایم کیو ایم) نے وفاقی حکومت کو بجٹ میں عوام کو ریلیف فراہم کرنے سے متعلق اپنی تجاویز پیش کر دیں۔

کراچی بہادرآباد میں پریس کانفرنس کرتے ہوئے فاروق ستار نے کہا کہ ہمارا تجارتی خسارہ حد سے زیادہ تجاوز کر گیا ہے، تیل گیس اور بجلی کی قیمتوں میں فوری طور پر کمی کی جائے، ہمیں اپنے ٹیکس کے نظام کو مزید بہتر کرنے کی ضرورت ہے۔

فاروق ستار کا کہنا تھا کہ کے فور منصوبے کو جلد از جلد مکمل کرنے سے متعلق اقدامات اٹھائے جائیں۔

کے الیکٹرک کو تنقید کا نشانہ بناتے ہوئے ایم کیو ایم رہنما نے کہا کہ ہم آخری وارننگ دے رہے ہیں اگر مختلف علاقوں میں غیر اعلانیہ لوڈشیڈنگ کا سلسلہ نہ رکا تو ہم پر امن احتجاج کے ذریعے ان کا قبلہ درست کردیں گے، اس کمپنی کے لائسنس میں توسیع کے بجائے مزید کمپنیوں کو ٹھیکے دیے جائیں۔

karachi

MQM Pakistan

Farooq Sattar

budget 2023 24

Politics June 7 2023

bhadurabad

Comments are closed on this story.

تبصرے

تبولا

Taboola ads will show in this div