Aaj News

جمعرات, مارچ 28, 2024  
18 Ramadan 1445  

جہانگیر ترین کی فردوس عاشق اعوان سمیت 20 سے زائد سیاسی رہنماؤں سے ملاقاتیں

جہانگیر ترین اسلام آباد میں مشن مکمل کرنے کے بعد کل لاہور پہنچیں گے
شائع 31 مئ 2023 07:16pm
جہانگیر ترین کی فردوس عاشق اعوان سے اسلام آباد میں ملاقات۔ فوٹو — سوشل میڈیا
جہانگیر ترین کی فردوس عاشق اعوان سے اسلام آباد میں ملاقات۔ فوٹو — سوشل میڈیا

اسلام آباد: جہانگیر ترین نے سابق رہنما تحریک انصاف فردوس عاشق اعوان سمیت 20 سے زائد سیاسی رہنماؤں سے ملاقاتیں کی ہیں۔

ذرائع کے مطابق فردوس عاشق اعوان سے ملاقات میں مستقبل کے سیاسی لائحہ عمل پر تبادلہ خیال کیا گیا جب کہ اس دوران ترین گروپ کے رہنما عون چوہدری بھی موجود تھے۔

ذرائع کا کہنا ہے کہ جہانگیر ترین نے 20 سے زائد اہم سیاسی رہنماؤں کے علاوہ سابق رکن قومی اسمبلی جی جی جمالی اور خیبر پختونخوا سے تعلق رکھنے والے رہنماؤں سے بھی ملاقات کی۔

ذرائع نے بتایا کہ جہانگیر ترین نے پارٹی قیام کے حوالے سے مشاورتی عمل تیز کردیا ہے، وہ جلد نئی پارٹی کا اعلان کریں گے۔

گزشتہ روز بھی جہانگیر ترین نے اسلام آباد میں دو اہم شخصیات سے ملاقاتیں کر کے اپنی نئی پارٹی کے حوالے سے مشاورت کی جب کہ اپوزیشن لیڈر قومی اسمبلی راجہ ریاض اور ملتان سے سلمان نعیم نے بھی ٹیلی فونک رابطہ کیا۔

ذرائع کے مطابق جہانگیر ترین نے اپنی پارٹی کے نئے نام کے حوالے سے مشاورت مکمل کرلی ہے اور وہ اسلام آباد میں مشن مکمل کرنے کے بعد کل لاہور پہنچیں گے۔

اسلام آباد

Jahangir Tareen

politics may 31 2023

firdous aashiq awan

Comments are closed on this story.

تبصرے

تبولا

Taboola ads will show in this div