Aaj News

جمعہ, مارچ 29, 2024  
19 Ramadan 1445  

عمران خان کو ٹویٹ ڈیلیٹ کرنے پر شدید تنقید کا سامنا

پی ٹی آئی چیئرمین نے ٹویٹ کے ساتھ گمراہ کُن ویڈیو بھی شیئرکی تھی
شائع 29 مئ 2023 08:57am
تصویر: روئٹرز/ فائل
تصویر: روئٹرز/ فائل

پاکستان تحریک انصاف کے چئیرمین عمران خان کو اپنی ایک ٹویٹ ڈیلیٹ کیے جانے پر سوشل میڈیا پرخاصی تنقید کا سامنا کرنا پڑ رہا ہے۔

عمران خان نے گزشتہ شب 12 بج کر 4 منٹ پر ٹویٹ میں الزام عائد کیا کہ کراچی سے تعلق رکھنے والے ان کے رکن صوبائی اسمبلی ملک شہزاد اعوان پر پارٹی چھوڑنے کیلئے دباؤ ڈالا گیا۔

سابق وزیراعظم نے اپنی ٹویٹ میں لکھا کہ جب ایم پی اے نے پارٹی چھوڑنے سے انکارکیا تو ان کے ٹرکوں کو آگ لگا کرتباہ کردیا گیا۔ انہوں نے ٹویٹ کے ساتھ جلتے ٹرک کی ویڈیو بھی شیئرکی۔

تاہم کچھ دیر بعد انہوں نے ٹویٹ ڈیلیٹ کردی۔

سوشل میڈیا صارفین نے ڈیلیٹ کی جانے والی ٹویٹ کے اسکرین شاٹ شیئرکرتے ہوئے عمران خان کو شدید تنقید کا نشانہ بنایا۔

بیشتر صارفین نے عمران خان پر واضح کیا کہ ان کی جانب سے شیئرکی جانے والی ویڈیو نوشہرہ میں آئل ڈپو میں آگ لگنے کے موقع پربنائی گئی تھی اور اس واقعے کو ایک سال سے زائد گزر چکا ہے۔

imran khan

Pakistan Tehreek Insaf

Comments are closed on this story.

تبصرے

تبولا

Taboola ads will show in this div