کراچی کےعلاقے بن قاسم میں کروڑوں روپے چوری کی بڑی واردات پیش آئی جہاں مسلح ملزمان کروڑوں روپے کا قیمتی سامان لیکر فرار ہوگئے۔

چوری کی وراردات میں ملوث 15 سے 20 مسلح ملزمان نے فیکٹری کا صفایا کردیا، ملزمان کروڑوں روپے مالیت کی مشینری، بیٹریاں، سولر سسٹم لے گئے۔

مسلح افراد نے فیکٹری گارڈز پر تشدد اور مارپیٹ کرکے انہیں بند کردیا جبکہ ملزمان رات 11 سے صبح 5 بجے تک واردات کرتے رہے۔

کمپنی مالک کا کہنا ہے کہ صبح یہاں پہنچنے پر مجھے واردات کا معلوم ہوا لیکن پولیس مقدمہ درج کرنے کے بجائے ٹال مٹول سے کام لے رہی ہے۔