Aaj News

جمعہ, مارچ 29, 2024  
18 Ramadan 1445  

شہزاد اکبر اور ماڈل صوفیہ مرزا کیخلاف مقدمہ درج

اسلام آباد میں درج مقدمہ جعل سازی، دھوکہ دہی سے رقم بٹورنے کے الزامات کے تحت درج کیا گیا
شائع 18 مئ 2023 12:07am
فائل ــ فوٹو
فائل ــ فوٹو

وفاقی دارالحکومت اسلام آباد کے تھانہ سیکرٹریٹ میں سابق وزیراعظم عمران خان کے دور میں مشیر کی ذمہ داریاں نبھانے والے شہزاد اکبر اور ماڈل صوفیہ مرزا کے خلاف مقدمہ درج کرلیا گیا۔

پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کے دور میں مشیر کے فرائض انجام دینے والے شہزاد اکبر اور ماڈل صوفیہ مرزا کے خلاف جعل سازی، دھوکہ دہی سے رقم بٹورنے کے الزامات کے تحت مقدمہ درج کیا گیا۔

مدعی مقدمے کے مطابق شہزاد اکبر، ماڈل صوفیہ مرزا، ان کے بھائی خرم مرزا اور دیگر ساتھی جعل سازی، دھوکہ دہی اور ناجائز رقم بٹورتے رہے۔

آیف آئی آر کے مطابق مدعی عمر فاروق ظہور کے خلاف انتقامی کارروائی کیلئے جھوٹے مقدمات کے قیام کی کوشش بھی کرتے رہے، ایف آئی آر میں صوفیہ مرزا کی بہن مریم مرزا، مائرہ خرم، عمید بٹ اور علی مردان شاہ بھی نامزد ہیں۔

مدعی عمر فاروق ظہور کی سابقہ اہلیہ صوفیہ مرزا کی درخواست پر ایف آئی اے لاہور کارپوریٹ سرکل نے کارروائی شروع کی تھی، ایف آئی آر کے مطابق شہزاد اکبر نے عمر فاروق ظہور کے خلاف مہم چلانے کیلئے کابینہ کو استعمال کیا تھا۔

shahzad akbar

islamabad police

fraud case

Comments are closed on this story.

تبصرے

تبولا

Taboola ads will show in this div