محکمہ موسمیات کی جانب سے بارش اور خراب موسم کے انتباہ پرسول ایوی ایشن نے جناح انٹرنیشنل ایئرپورٹ پر احتیاطی تدابیر کی ہدایات جاری کردیں۔

محکمہ موسمیات کے بارش اور خراب موسم کے انتباہ کے بعد سول ایوی ایشن نے جناح انٹرنیشنل ایئرپورٹ پر احتیاطی تدابیر کی ہدایات کرتے ہوئے کہا ہے کہ کھلے پڑے ہوئے سامان کی مناسب اسٹوریج کریں۔

سی اے اے کی ہدایات کے مطابق متعلقہ اہلکار رن وے کی رگڑ اور بریکنگ ایکشن کیلیے تیار رہیں، ریسکیو اینڈ فائر فائیٹنگ سروس کو بھی چوکنا رہنے کی ہدایت کردی گئی۔

سول ایوی ایشن کا کہنا ہے کہ کیڑے مکوڑوں سے بچنے کیلیے رن وے کے اطراف اسپرے کیا جائے، پرندوں کی سرگرمیوں میں اضافے کو روکنے کیلیے ٹیمیں تعینات کی جائیں۔

سی اے اے کا کہنا ہے کہ ہلکے ہوائی جہازوں کو مضبوط جگہ سے باندھنے کو یقینی بنائیں، سمجھیں تو ہلکے جہازوں کو کسی محفوظ جگہ پر پارک کردیں۔

واضح رہے کہ محکمہ موسمیات کی جانب سے 28 اپریل سے یکم مئی تک بارشوں کی پیشگوئی کی گئی ہے۔