Aaj News

جمعہ, مارچ 29, 2024  
18 Ramadan 1445  

ثقلین مشتاق نے پاکستان کے خلاف نیوزی لینڈ کی پیشکش قبول کرلی

نیوزی لینڈ کرکٹ بورڈ کا سابق پاکستانی ہیڈ کوچ سے رابطہ
شائع 31 مارچ 2023 09:23am
سابق کرکٹر ثقلین مشتاق
سابق کرکٹر ثقلین مشتاق

قومی کرکٹ ٹیم کے سابق ہیڈ کوچ ثقلین مشتاق نے نیوزی لینڈ کرکٹ ٹیم کا کنسلٹنٹ بننے کی پیشکش قبول کرلی۔

رپورٹس کے مطابق نیوزی لینڈ نے سابق پاکستانی ہیڈ کوچ ثقلین مشتاق سے رابطہ کیا اور اس دوران کنسلٹنٹ بننے کی آفر کی، اسی دوران انہوں نے قریبی دوستوں کے ساتھ مشاورت کے بعد نیوزی لینڈ ٹیم کے کنسلٹنٹ بننے کی آفر قبول کرلی۔

ثقلین مشتاق آئندہ ماہ پاکستان کے خلاف ٹی 20 اور ون ڈے سیریز میں نیوزی لینڈ کرکٹ ٹیم کے ساتھ بطور کنسلٹنٹ کام کریں گے۔

ثقلین مشتاق کو ستمبر 2021 میں قومی ٹیم کا عبوری ہیڈ کوچ مقررکیا گیا تھا تاہم رواں سال فروری میں پی سی بی کے ساتھ ان کا معاہدہ ختم ہوگیا تھا۔

ثقلین مشتاق ماضی میں انگلش کرکٹ ٹیم کے اسپن کنسلٹنٹ کے طور پر بھی کام کرچکے ہیں۔

نیوزی لینڈ کرکٹ بورڈ نے ثقلین مشتاق سے گفتگو کرتے ہوئے کہا کہ چاہتے ہیں نیوزی لینڈ کرکٹ ٹیم پاکستان کے خلاف اچھا کھیلے اس لئے آپ کی خدمات چاہئے، آپ کی کوچنگ میں پاکستان نے اچھے رزلٹس دیے، پاکستان ٹیم کو آپ سے بہتر کوئی نہیں جانتا آپ کی مدد درکار ہے۔

ذرائع کے مطابق ثقلین مشتاق نیوزی لینڈ کرکٹ ٹیم کو بطور کنسلٹنٹ 12 اپریل کو جوائن کریں گے۔

پاکستان اور نیوزی لینڈ کے درمیان 5 ون ڈے اور 5 ٹی 20 میچز کی سیریز شیڈول ہے۔

lahore

Pakistan Cricket Team

New Zealand Cricket Board

Saqlain Mushtaq

consultant

Comments are closed on this story.

تبصرے

تبولا

Taboola ads will show in this div