پاکستان سمیت دنیا بھر کے یوٹیوب صارفین کو کئی گھنٹوں تک ویڈیوز کی اپلوڈنگ میں مسئلے کا سامنا کرنا پڑا۔

دنیا بھر سے کئی صارفین اپنے یوٹیوب چینلز پر ویڈیوز اپلوڈ کرنے سے قاصر رہے۔

ویڈیو کو جب اپلوڈنگ پر لگایا جاتا تو ایک پاپ اپ نمودار ہوتا ہے جس میں لکھا ہوتا کہ ”ویڈیو پر ابھی بھی کارروائی جاری ہے“، تاہم ویڈیو اپلوڈ ہی نہیں ہو پاتیں۔

صارفین تذبذب کا شکار رہے کہ آخر مسئلہ کیا ہے، جبکہ یوٹیوب کی جانب سے تاحال کوئی وضاحت جاری نہیں کی گئی ہے۔