Aaj News

جمعہ, مارچ 29, 2024  
18 Ramadan 1445  

پی ٹی آئی کا وزیر داخلہ کیخلاف ملک گیر مقدمات درج کرانے کا اعلان

امید ہے سپریم کورٹ سے کل مثبت فیصلہ آ جائے گا، اعجاز چوہدری
شائع 28 مارچ 2023 06:33pm
وزیر داخلہ رانا ثناء اللہ۔ فوٹو — فائل
وزیر داخلہ رانا ثناء اللہ۔ فوٹو — فائل

پاکستان تحریک انصاف (پی ٹی آئی) نے وزیر داخلہ رانا ثناء اللہ کے خلاف ملک بھر میں مقدمات درج کرانے کا اعلان کردیا۔

زمان پارک میں الیکشن ملتوی کیس پر گفتگو کرتے ہوئے رہنما پی ٹی آئی اعجاز چوہدری نے کہا کہ ہمیں امید ہے سپریم کورٹ سے کل مثبت فیصلہ آ جائے گا، جس کے بعد باقائدہ انتخابی مہم شروع ہوگی، مہم میں متعدد جلسے ہوں گے۔

اعجاز چوہدری نے کہا کہ مسلم لیگ ن کے رہنماؤں کے بیانات کو توجہ سے سنیں، یہ سب لوگ عمران خان کے خاتمے کی بات کر رہے ہیں، ایسی باتیں اس وقت ہوتی ہیں جب کسی کو قتل کرنا ہو، پہلے بھی عمران خان پر حملہ ہوچکا ہے۔

پی ٹی آئی رہنما نے وزیر داخلہ کے خلاف مقدمات درج کرانے کا اعلان کرتے ہوئے کہا کہ ہم رانا ثناء اللہ پر پورے ملک میں مقدمات درج کرا رہے ہیں، ان کے خلاف ہر ضلع اور تحصیل میں مقدمہ درج کرائیں گے۔

دوسری جانب کونسل آف پاکستان نیوز پیپر ایڈیٹر کے صدر سے ملاقات میں چیئرمین پی ٹی آئی عمران خان نے کہا کہ میرے قتل کی سازش میں رانا ثناء اللہ کلیدی کردار ہے، سازش کے باقی دو کرداروں کے نام پہلے ہی بتا چکا ہوں، میرے قتل کی تحقیقات کو سبوتاژ کرنے میں تینوں کا اہم کردار ہے۔

عمران خان نے کہا کہ رانا ثنا اللہ ایک بزدل آدمی ہے، یہ وزیر داخلہ نہیں، دہشت گرد مافیا کا رکن ہے، رانا ثنا اللہ کا کردار عابد شیر علی کے باپ سے پوچھ لیں، قتل کی دھمکیاں دینے والے والوں کے خلاف قانونی چارہ جوئی کروں گا۔

سابق وزیراعظم نے کہا کہ عدالت عظمی پر الزام تراشی اور دباو میں لانا ن لیگ کا پرانا وطیرہ ہے، یہ وہی ہیں جن کے مسلح جتھے سپریم کورٹ پر حملہ آور ہوئے۔

ملاقات کے دوران الیکشن ملتوی کیس پر عمران خان کا کہنا تھا کہ انتخابات اگر مقررہ تاریخ سے آگے گئے تو سمجھیں قانون ختم ہوگیا، البتہ پی ٹی آئی کے امیدوار 30 اپریل کے حساب سے مہم جاری رکھیں۔

pti

Rana Sanaullah

politics march 28 2023

Aijaz Chaudhary

Comments are closed on this story.

تبصرے

تبولا

Taboola ads will show in this div