پاکستان انٹرنیشنل ایئر لائنز(پی آئی اے) نے جدہ سے کراچی آنے والی فلائیٹ پی کے 860 کا اچانک روٹ تبدیل کردیا۔

ترجمان پی آئی اے کے مطابق پی کے 830 ناگزیر آپریشنل وجوہات کی بنا پر جدہ سے کراچی کے بجائے لاہور ری روٹ کی گئی، مسافروں کو کل پی کے 732 کے ذریعے کراچی لایا جائے گا۔

پی آئی اے ترجمان کا کہنا ہے کہ ری روٹ سے متعلق مسافروں کو ان کے دستیاب نمبرز پر مطلع کیا گیا تھا، جو مسافر ائیر پورٹ پہنچ گئے انہیں ہوٹل فراہم کیا جا رہا ہے۔

پی آئی اے کی غیرذمہ وارانہ حرکت کی وجہ سے جدہ سے کراچی آنے والے مسافر پریشان ہوگئے۔

اس حوالے سے مسافر کا کہنا تھا کہ عین وقت پر پی آئی اے کی فلائیٹ کا روٹ تبدیل کرکے ہمیں مصیبت میں ڈال دیا گیا ہے۔