Aaj News

جمعہ, مارچ 29, 2024  
18 Ramadan 1445  

جمائما کو پاکستان میں اپنے پسندیدہ ماہ رمضان میں کیا کھانا پسند تھا

ماہ مبارک میں پاکستان میں گزرے وقت کی یادیں تازہ
شائع 23 مارچ 2023 10:29am
فائل فوٹو
فائل فوٹو

رمضان المبارک کے آغاز پرچیئرمین پی ٹی آئی عمران خان کی سابقہ اہلیہ جمائما گولڈ اسمتھ نے پاکستان میں گزارے گئے وقت کی یادیں تازہ کی ہیں۔

سماجی رابطوں کی سائٹ ٹوئٹرپرجمائما نے اپنی فلم ’واٹس لو گاٹ ٹو ڈو وِد اِٹ‘ سے افطار ٹیبل کا ایک منظرشیئرکرتے ہوئے بتایاکہ پاکستان میں قیام کے دوران رمضان ان کا پسندیدہ وقت تھا۔

جمائما نے اس ماہ مقدس کے حوالے سے اپنے احساسات شیئرکرتے ہوئے لکھا، ’یہ مہینہ نہ صرف روزے رکھنے کا ہے بلکہ نیک نیتی اور ایک بہتر انسان بننے کی کوشش کرنے کا مہینہ ہے۔ اس مہینے میں کوئی گپ شپ یا قسمیں نہیں کھائی جاتیں، فخرکا اظہاریاجھوٹ نہیں بولا جاتا‘۔

انہوں نے اس ماہ کو غوروفکر، خیرات، مہربانی، مغفرت اور فیملی سے جوڑتے ہوئے فالوورز کو یہ بھی بتایا کہ اس ماہ میں جلیبیاں ان کی پسندیدہ ہوا کرتی تھیں۔

عمران خان نے جمائما سے 1995 میں شادی کی تھی ،دونوں کے درمیان 2004 میں طلاق ہوگئی جس کے بعد جمائما اپنے وطن واپس لوٹ گئیں تاہم پاکستان سے ان کی وانستگی آج بھی قائم ہے اور وہ سوشل میڈیا پراپنے پاکستانی فالوورزکے ساتھ بھرپور طریقے سے جڑی رہتی ہیں۔

اس سے قبل جمائما نے اپنے پسندیدہ پاکستانی ملی نغمے کے حوالے سے بھی بتایا تھا۔

imran khan

Jemima Goldsmith

Jalebi

Ramadan 2023

Ramadan in Pakistan

Comments are closed on this story.

تبصرے

تبولا

Taboola ads will show in this div