ہالی ووڈ فلم کی مشہور زمانہ ایکشن فلم ”جان وِک“ میں ہوٹل کانٹینینٹل میں مینیجر کا کردار ادا کرنے والے اداکار لانس ریڈک انتقال کرگئے۔

امریکی ”ایچ بی او“ کی مشہور زمانہ سیریز ”دی وائر“ میں اداکاری کے جوپہر دکھانے والے لانس ریڈک کا انتقال 60 سال کی عمر میں ہوا۔

لانس ریڈک کو ”جان وک“ ایکشن تھرلر مووی فرنچائز میں ”شارون“ کے کردار سے کافی پذیرائی حاصل ہوئی۔

لانس ریڈک اداکار ہونے کے ساتھ ساتھ ایک موسیقار بھی تھے۔

ان کے سیکرٹری نے بتایا کہ وہ جمعہ کے روز لاس اینجلس میں واقع اپنے گھر میں قدرتی وجوہات کی بنا پر اچانک انتقال کر گئے۔