Aaj News

جمعہ, مارچ 29, 2024  
18 Ramadan 1445  

زمان پارک میں بیٹھے شخص کو سہولتیں کون فراہم کررہا ہے، جاوید لطیف

عمران خان کے حوالے سے 6، 6 گھنٹے میں فیصلے کیے جاتے ہیں، وفاقی وزیر
شائع 16 مارچ 2023 12:15pm
فوٹو۔۔۔۔۔۔۔۔۔۔ اسکرین گریب
فوٹو۔۔۔۔۔۔۔۔۔۔ اسکرین گریب

وفاق وزیر جاوید لطیف کا کہنا ہے کہ زمان پارک میں بیٹھے شخص کو سہولتیں کون فراہم کررہا ہے، عمران خان کے حوالے سے 6، 6 گھنٹے میں فیصلے کیے جاتے ہیں۔

اسلام آباد میں پریس کانفرنس کرتے ہوئے مسلم لیگ ن کے رہنما جاوید لطیف نے کہا کہ ملک میں ریاستی اداروں کی رٹ کو چیلنج کیا جارہا ہے، 2017 میں انصاف کے پلڑے کا توازن خراب ہوا، جنہوں نے 2017 میں سازش کی ان کو پکڑا جائے۔

ن لیگی رہنما نے کہا کہ عمران خان ملک کو خراب کررہا ہے، وہ ایک انٹرنیشنل ایجنڈا لے کر آیا ہے، زلمے خلیل زاد کی گفتگو پر غور کرنا ہوگا، یہ واضح ہوگیا ہے کہ ہمارے ملک کے خلاف بین الاقوامی سازش کی جارہی ہے، سازشی کو جب تک سزانہ دی جائے تو منفی کرداروں کا راستہ بند نہیں ہوگا۔

ان کا مزید کہنا تھا کہ جو کچھ زمان پارک میں ہورہا ہے اس پر خاموشی کیوں اختیار کی گئی، زمان پارک میں بیٹھے شخص کو سہولتیں کون فراہم کررہا ہے، عمران خان کے حوالے سے 6، 6 گھنٹے میں فیصلے کیے جاتے ہیں۔

جاوید لطیف نے مزید کہا کہ زمان پارک میں جو ہورہا ہے اگر پاکستان کے کسی دوسرے علاقوں میں ایسا ہو تو کیا آواز آئے گی، نواز شریف کو دوران حراست زہر دیا گیا، کیا ہم نے ریاستی اداروں پر حملے کیے تھے؟

PMLN

اسلام آباد

Mian Javed Latif

Political March 16 2023

Zaman Park March 16 2023

Comments are closed on this story.

تبصرے

تبولا

Taboola ads will show in this div