Aaj News

جمعہ, مارچ 29, 2024  
18 Ramadan 1445  

ظل شاہ کی ہلاکت پر جوڈیشل کمیشن بنانے کیلئے لاہور ہائیکورٹ میں درخواست دائر

عدالت ظل شاہ کی ہلاکت کی تحقیقات کیلئے کمیشن بنانے کا حکم دے، استدعا
شائع 13 مارچ 2023 01:03pm
فوٹو۔۔۔۔۔ ٹوئٹر
فوٹو۔۔۔۔۔ ٹوئٹر

پاکستان تحریک انصاف کے کارکن علی بلال عرف ظل شاہ کی ہلاکت پر جوڈیشل کمیشن بنانے کے لئے لاہور ہائیکورٹ میں درخواست دائر کردی گئی۔

لاہور ہائیکورٹ میں ظل شاہ کی موت کی تحقیقات کے لئے جوڈیشل کمیشن بنانے کی درخواست ایڈووکیٹ ندیم سرور کی جانب سے دائر کی گئی ہے جس میں پنجاب حکومت، آئی جی پولیس اور ڈپٹی کمشنر سمیت دیگر کو فریق بنایا گیا ہے۔

درخواست گزار نے مؤقف اختیار کیا ہے کہ سیاسی ورکر علی بلال عرف ظل شاہ کو قتل کرکے سروسز اسپتال چھوڑ دیا گیا، پوسٹ مارٹم رپورٹ میں ظل شاہ پر بدترین تشدد کے نشانات سامنے آئے، ظل شاہ کو آخری بار پولیس قیدیوں کی وین میں دیکھا گیا۔

درخواست میں مزید کہا گیا ہے کہ پولیس کے مطابق ظل شاہ کی ہلاکت گاڑی کی ٹکر سے ہوئی، ظل شاہ کی ہلاکت اہم نوعیت کا معاملہ ہے جس کی تحقیقات ضروری ہیں، آئین کا آرٹیکل 9 عوام کی جانوں کی حفاظت کی گارنٹی دیتا ہے۔

درخواست گزار نے استدعا کی ہے کہ لاہور ہائیکورٹ ظل شاہ کی ہلاکت کی تحقیقات کے لئے کمیشن بنانے کا حکم دے، عدالت کمیشن کی کارروائی کی خود نگرانی بھی کرے۔

pti

imran khan

Lahore High Court

Ali Bilal

Zille Shah

Politics March 13 2023

Comments are closed on this story.

تبصرے

تبولا

Taboola ads will show in this div